Kiawenti:io Tarbell (/ˌɡjɑːwənˈdiːjoʊ/), nada en Akwesasne o 28 de abril de 2006, coñecida simplemente como Kiawentiio, é unha actriz e cantante mohawk. Fixo o seu debut nunha serie de televisión na terceira tempada de Anne with an E (2019) e o seu debut no cinema con Beans (2020). Tamén é coñecida por interpretar a Katara no remake de acción en vivo de Netflix de Avatar: The Last Airbender (2024).
Traxectoria Kiawentiio é mohawk do clan do lobo e naceu no seo dunha familia mohawk en Akwesasne, unha reserva india que se atopa na fronteira entre o Canadá e os Estados Unidos, ao longo do río St. Lawrence. No lado estadounidense, tamén é coñecida como reserva mohawk St. Regis.
O seu nome quere dicir "boa mañá" en mohawk (kanienʼkéha). Medrou nunha casa en Kawehno:ke (tamén coñecida como illa Cornwall) e asistiu a Akwesasne Freedom School e Cornwall Collegiate and Vocational School. Vive entre Otava, Montreal e Nova York, e ten dobre cidadanía canadense e estadounidense.
Carreira como actriz Tarbell foi unha das 200 actrices indíxenas canadenses que fixeron audición para o papel de Ka'kwet, que aparece na terceira tempada de Anne with an E. Tivo que aprender a pronunciar a lingua micmac e comprender a historia e cultura do pobo. Tamén protagonizou o papel principal de Beans no papel dunha moza mohawk de 12 anos que vive en Kahnawake en 1990, na época da crise de Oka.
Apareceu como a personaxe recorrente Maya Thomas na comedia de situación Rutherford Falls (2021). En 2021, tamén foi seleccionada para interpretar a Katara na versión de acción en vivo de Netflix da serie Avatar: The Last Airbender.
Filmografía Cinema AnoTítuloPapelNotas2020BeansBeans / Tekehentahkhwa2022N'xaxaitkwZaryaCurtametraxe
Televisión AnoTíruloPapelNotas2019Anne with an EKa'kwet5 episodios2021Rutherford FallsMaya Thomas2 episodios2023What If...?Wahta (voz)Episodio: "What If... Kahhori Reshaped the World?"2024–presente Avatar: The Last Airbender Katara Papel principal
Notas
Categoría:Nados en 2006 Categoría:Pobo mohawk Categoría:Actores nativos americanos