Reformation Post TLC é o vixésimo quinto álbum de estudio da banda inglesa de post-punk The Fall, publicado no Reino Unido o 12 de febreiro de 2007 a través do selo Slogan.
O álbum conta con Mark E Smith e a súa muller, Elena, ao lado dos recentemente chegados Tim Presley e Rob Barbato (de Darker My Love), Orpheo McCord (de The Hill) e Dave Spurr (de Motherjohn). Presley, Barbato e McCord, todos estadounidenses, uníronse á banda como substitutos de emerxencia de Ben Pritchard, Spencer Birtwistle e Steve Trafford, que deixaran o grupo durante unha xira estadounidense en abril de 2006. Na súa autobiografía de 2008, Smith eloxiou aos estadounidenses por revitalizar The Fall, debido á súa apertura ás novas ideas e ao non estar demasiado impresionados polas bandas influentes do Reino Unido (como Oasis e The Stone Roses) que conformaran unha xeración de mozos músicos ingleses.Mark E. Smith, Renegade: The Lives and Tales of Mark E. Smith, Londres: Penguin Books, 2008
Smith dixo nunha entrevista coa revista Q que o "post-TLC" refírese á banda despois de que os "traidores, mentireiros e fillos de puta..." marchasen.
Listaxe de cancións
Notas
Categoría:Álbums de The Fall Categoría:Álbums musicais de 2007