Surena ou Suren, tamén coñecido como Rustaham Suren, morto no 53 ou 52 a. C., foi un spahbed ("xeral" ou "comandante") parto durante o século I a. C.
Traxectoria
Foi o líder da Casa de Suren, coñecido por derrotar os romanos na batalla de Carrhae. Baixo o seu mando, os partos derrotaron decisivamente unha forza de invasión romana numericamente superior baixo o mando de Marco Licinio Craso. É vista como unha das batallas máis antigas e importantes entre os imperios romano e parto e unha das derrotas máis esmagadoras da historia romana. Segundo Plutarco, Surena era un home moi distinguido grazas á súa riqueza e ao seu nacemento nunha nobre familia armenia. Home de gran coraxe e habilidade militar, non tiña igual dentro das fronteiras do Imperio Parto e, en altura e beleza, era inigualable entre os seus contemporáneos. Segundo Plutarco, Surena posuía un gran número de escravos no seu exército, o que dá unha idea da gran riqueza do xeneral parto.
Notas
Categoría:Nados en -84
Categoría:Finados en -52 Categoría:Imperio Parto Categoría:Militares