O castelo de Toompea (en ) é un castelo medieval que se atopa no outeiro de Toompea, na parte central de Talín, a capital de Estonia. Na época moderna, alberga o Parlamento de Estonia (Riigikogu).
Edificio do Parlamento Despois de que Estonia se independizase en 1918, o goberno decidiu construír unha nova sede para o parlamento da nación (Riigikogu) no lugar onde se atopaba o antigo convento da Orde Teutónica. O edificio do parlamento, deseñado polos arquitectos Eugen Habermann e Herbert Johanson, tardou dous anos en completarse e rematouse en 1922. Aínda que o seu exterior é tradicionalista, o interior é de estilo expresionista, converténdoo no único edificio parlamentario expresionista do mundo.
Despois de xuño de 1940, durante o período de ocupacións estranxeiras (pola Unión Soviética ata 1941, pola Alemaña nazi entre 1941 e 1944, e de novo pola Unión Soviética despois de 1944), o parlamento de Estonia, democraticamente elixido, foi disolto. Non obstante, o castelo e o edificio do Riigikogu foron empregados polo Sóviet Supremo da República Socialista Soviética de Estonia, o órgano lexislativo formal da Estonia ocupada polos soviéticos, sen ningún significado substancial, entre 1947 e 1990.
Galería
Notas
Véxase tamén
Outros artigos Historia de Estonia Arquitectura de Estonia
Bibliografía
Categoría:Castelos de Estonia