Gàidhealtachd (pronuncia en gaélico escocés : [kɛːəlˠ̪t̪əxk]), tamén coñecido como A'Ghàidhealtachd, designa comunmente as Terras Altas e illas de Escocia, e en especial a cultura e lingua gaélicas asociadas a esta área. A palabra irlandesa correspondente, Gaeltacht, refírese estritamente a unha zona de fala gaélica irlandesa.
O termo tamén se usa para designar as rexións canadenses onde o gaélico escocés se usou tradicionalmente como lingua vernácula, especialmente algunhas zonas de Nova Escocia e o condado de Glengarry en Ontario.
O termo Gàidhealtachd non é inmediatamente intercambiable co termo Highlands, aínda que comparten etimoloxía, xa que se refire á área cultural gaélica e non a unha rexión xeográfica. Ademais, en moitas partes das Highlands escocesas, o gaélico deixou de usarse como lingua vernácula hai moito tempo, sendo predominantes o inglés e o scots, particularmente nos condados de Caithness, Cromarty, Grantown-on-Spey e Campbeltown. Galería
Notas
Véxase tamén
Outros artigos
Gael Gaels Gaelscoil Gaélico (linguas goidélicas) Gaélico irlandés Gaélico escocés Gaélico manx Gaeltacht
Categoría:Cultura de Escocia Categoría:Linguas de Escocia Categoría:Lingua escocesa Categoría:Linguas celtas Categoría:Linguas goidélicas