Bob Murphy Omoregbe, nado en Novara o 5 de novembro de 2003, é un futbolista italiano que xoga na posición de extremo ou dianteiro. Na tempada 2026/27 forma parte do Pontevedra Club de Fútbol da Primeira Federación, cedido polo Torreense da Segunda Liga.
Traxectoria en clubs AC Milan Tras comezar a súa formación deportiva no Borgosesia, en 2022 ingresou nas categorías inferiores do AC Milan. No ano 2023 foi cedido en dúas ocasións, primeiro ao SEF Torres 1903 e posteriormente ao Fiorenzuola. En 2024 comezou un novo contrato de cesión co Sestri Levante.
Na tempada 2024/25, Omoregbe regresou ao AC Milan e foi asignado ao seu equipo filial, o Milan Futuro da Serie C. O 11 de xaneiro de 2025 foi promovido ao primeiro equipo e foi convocado para un partido do AC Milan contra o Cagliari da Serie A. Nese encontro alcanzou o seu debut profesional cando foi substituto de Rafael Leão para un resultado final de 1-1. Omoregbe converteuse en axente libre ao final da tempada 2024/25.
Novi Pazar O 10 de xullo de 2025 anunciouse a fichaxe de Omoregbe polo FK Novi Pazar da Superliga de Serbia.
Torreense En xullo de 2026 fíxose oficial a chegada de Bob Omoregbe ao Torreense da Segunda Liga.
Cesión ao Pontevedra En setembro de 2026 foi cedido ao Pontevedra Club de Fútbol da Primeira Federación.
Estilo de xogo Omoregbe ocupa as posicións de extremo ou dianteiro e destaca pola súa velocidade e habilidade técnica. Entre os seus ídolos futbolísticos encóntranse Ousmane Dembélé e Raheem Sterling. Omoregbe ten sido comparado con Rafael Leão.
Vida persoal Nado en Italia, Omoregbe ten ascendencia nixeriana.
Notas
Véxase tamén Ligazóns externas Bob Omoregbe en Flashscore
Categoría:Nados en 2003 Categoría:Nados en Novara Categoría:Futbolistas de Italia Categoría:Dianteiros de fútbol Categoría:Xogadores do AC Milan Categoría:Xogadores do Pontevedra CF