Glóin é un personaxe ficticio das novelas O hobbit e O Señor dos Aneis, no mundo de fantasía da Terra Media creado por J. R. R. Tolkien. É un membro nobre da raza dos ananos, membro da casa de Durin. O seu fillo Gimli partiría como representante dos ananos na Irmandade do Anel.
Glóin naceu no ano 2783 T. E. e morreu no 15 C. E.. Foi un dos doce ananos compañeiros de Thorin e do hobbit Bilbo Bulseiro. Era fillo de Gróin, quen á súa vez era neto de Borin, o fillo máis novo do rei Náin II, e xa que logo de ascendencia directa co propio Durin I. Óin, outro dos compañeiros de Thorin, era o seu irmán. N' O Señor dos Aneis Glóin participou no Consello de Elrond como representante dos ananos da Montaña Solitaria.
Categoría:Ananos da Terra Media Categoría:Personaxes d'O hobbit Categoría:Personaxes d'O Señor dos Aneis