O Estadio de Atletismo da Universidade de Santiago de Compostela, coñecido como Stadium de La Residencia nos seus primeiros anos de existencia (foi construído en 1936), é un recinto deportivo adicado á práctica do atletismo, situado no Campus Vida da USC, a carón do Pavillón Universitario, e rodeado polo edificio Monte da Condesa, o Colexio Maior Fonseca, o Observatorio astronómico Ramón María Aller, e polo edificio do Servizo de Publicacións e Intercambio Científico. Instalacións As instalacións do recinto están compostas pola pista de atletismo de 400 metros e 8 carreiros, os corredores para as prácticas de saltos (con pértega, de lonxitude e triplo salto), as zonas para as prácticas de lanzamentos de xavelina e de peso, e unha gaiola para as prácticas de lanzamentos de disco ou martelo. O estadio ten unha única tribuna cuberta, cos vestiarios ós lados, e baixo a tribuna están as zonas de quecemento de material sintético. A pista de atletismo está homologada pola Federación Galega de Atletismo para a disputa de competicións oficiais, sendo o único recinto que ten esta homologación na capital galega, xa que a pista de atletismo do Estadio Multiúsos de San Lázaro é apta para adestrar pero non é regulamentaria.
Campionato de España de Atletismo 1982 Os días 6, 7 e 8 de agosto de 1982 disputouse neste estadio a 62ª edición do Campionato de España de Atletismo.Resultados dos Campionatos de España de Atletismo Ata a actualidade Galicia só acolleu outras 4 veces este evento, 2 veces na Coruña (en Riazor), e 2 veces en Vigo (en Balaídos e Coia).
Nas seguintes 2 táboas amósanse as marcas que acadaron o gañadores das diversas probas de atletismo do campionato de España de 1982:
Homes ProbaGañadorMarca 100 m Javier Martínez 10,91 seg 200 m Ángel Heras 21,68 seg 400 m Benjamín González 46,56 seg 800 m Colomán Trabado 1' 50,18 seg 1.500 m Jose Manuel Abascal 3' 37,97 seg 5.000 m Antonio Campos 14' 00,74 seg 110 m v. Javier Moracho 13,98 seg 400 m v. Marceliano Ruíz 51,98 seg 3.000 m o. Domingo Ramón 8' 27,07 seg altura Roberto Cabrejas 2,20 m pértega Alberto Ruíz 5,20 m lonxitude Antonio Corgos 8,16 m triplo Ramón Cid 16,38 m peso Martín Vara 17,20 m disco Sinesio Garrachón 54,94 m martelo Raúl Jimeno 65,70 m xavelina Augusto Lao 70,78 m 20 km m. Francisco Botonero 1h 31' 46,1 seg
Mulleres ProbaGañadorMarca 100 m Teresa Rioné 12,36 seg 200 m Teresa Rioné 25,18 seg 400 m Montserrat Pujol 54,90 seg 800 m Mayte Zúñiga 2' 12,65 seg 1.500 m Mercedes Calleja 4' 24,13 seg 3.000 m Pilar Fernández 9' 26,22 seg 110 m v. María José Martínez 14,30 seg 400 m v. Rosa Colorado 1' 00,20 seg altura Isabel Mozún 1,80 m lonxitude Olga Dalmau 6,28 m peso Enriqueta Díaz 12,80 m disco Encarnación Gambús 48,56 m xavelina Natividad Vizcaíno 48,60 m 5 km m. Teresa Palacio 25' 43,59 seg
v. = vallas; o. = obstáculos; m. = marcha.
Notas
Véxase tamén Outros artigos Universidade de Santiago de Compostela
Ligazóns externas Federación Galega de Atletismo - Delegación de Santiago Normas para a utilización do estadio Plano de Santiago de Compostela (O estadio é o Nº 46) Fotografías do Campionato de España de Atletismo de 1982
Categoría:Deporte en Santiago de Compostela Categoría:Universidade de Santiago de Compostela Categoría:Atletismo en Galicia