ASUSat, acrónimo de Arizona State University SATellite, é un satélite artificial da Universidade do Estado de Arizona lanzado o 27 de xaneiro de 2000 mediante un foguete Minotaur 1 desde a base Vandenberg da Forza Aérea.
Características ASUSat é un microsatélite de 6 kg de masa deseñado, probado, fabricado e manexado por estudantes da Universidade do Estado de Arizona coa misión de probar distintas tecnoloxías no espazo, entre elas a obtención de imaxes a baixo custo da superficie terrestre, a experimentación con modelos de materiais compostos, a demostración da utilidade de sistemas de a bordo de baixo custo e o uso dun transpondedor para radio afeccionado.
Tras un lanzamento exitoso o primeiro sinal do satélite foi recibido 50 minutos trala posta en órbita por radioafeccionados surafricanos. A última vez que se escoitou o transmisor do satélite foi 14 horas tralo comezo da misión, recibíndose un sinal que indicaba un problema no sistema de enerxía.
Notas
Categoría:Satélites artificiais