Iván Stepanovich Mazepa (en ucraíno Іван Степанович Мазепа), nado o 20 de marzo de 1639 e finado o 2 de outubro de 1709 en Bender, Moldova, cidade daquela do Imperio Otomán, e coñecido como Iván Mazepa, foi un hetman cosaco.
Traxectoria Mazepa foi o atamán do Hetmanato cosaco, desde 1697 a 1708, reducido daquela á beira esquerda de Ucraína.
Tivo un importante papel na batalla de Poltava, ao desertar do exército do tsar Pedro I, cando coñeceu a intención deste de substituílo por Alexandre Menxikov, e pasarse ás tropas do rei Carlos XII de Suecia, co que fuxiu a Bender tras a derrota na batalla.
Por este motivo a Igrexa ortodoxa rusa lanzou un anatema contra del e, ao longo da posterior historia de Rusia e da Unión Soviética, simbolizou o arquetipo da traizón.
Porén, os ucraínos considérano un heroe nacional, sendo rehabilitado desde a independencia de Ucraína, e a súa efixie represéntase nos billetes de 10 grivnias.miniatura|Billete ucraino de 10 grivnias.|centro
Mazepa na cultura
Mazepa é o protagonista de Mazepa (título orixinal en ruso, Мазепа), ópera en tres actos e seis escenas con música de Piotr Ilich Tchaikovski e libreto en ruso de Víktor Burenin sobre o poema Poltava de Alexander Pushkin.
Notas
Véxase tamén
Outros artigos
Batalla de Poltava Hetmanato cosaco Gran guerra do Norte
Categoría:Militares Categoría:Historia de Rusia Categoría:Historia de Ucraína