Kosmos 219 (Космос 219 en ruso), tamén denominado DS-U2-D Nº 2, foi un satélite artificial soviético lanzado o 26 de abril de 1968 mediante un foguete Kosmos 2I desde a base de Kapustin Yar.
Características Kosmos 219 foi o segundo e último membro do modelo de satélites DS-U2-D. Estaba adicado a facer observacións das partículas cargadas e da magnetosfera terrestre, seguindo as observacións que fixo o primeiro membro da serie, o Kosmos 137. Kosmos 219 foi inxectado nunha órbita inicial de 1770 km de apoxeo e 222 km de perixeo, cunha inclinación orbital de 48,4 graos e un período de 104,6 minutos. Reentrou na atmosfera o 2 de marzo de 1969.
Resultados Kosmos 219 obtivo o espectro de electróns na parte interior do cinto de Van Allen e mediu a distribución angular de partículas ó longo da súa órbita.
Notas
Véxase tamén
Bibliografía
Outros artigos Kosmos 137
Categoría:Satélites Kosmos Categoría:DS-U2-D