The Velvet Underground & Nico é o álbum de estrea da banda estadounidense de rock The Velvet Underground e coa colaboración nas voces de Nico. Foi orixinalmente editado o día 12 de marzo de 1967 a través do selo Verve Records. Gravado en 1966 durante a xira multimedia de Andy Warhol "Exploding Plastic Inevitable", The Velvet Underground & Nico gañaría notoriedade polo seu carácter experimental, ademais de polo enfoque das controvertidas temáticas expresadas en moitas das cancións,como o abuso das drogas, a prostitución, sadismo e masoquismo e desviación sexual.
Aínda que foi un fracaso comercial tras a súa publicación, o disco dende entón converteuse nun dos álbums máis influentes e aclamados da historia do rock, aparecendo no número trece da lista da Rolling Stone dos "500 mellores álbums de todos os tempos",Rolling Stone - 500 Greatest Albums of All Time ademais de ser engadido ao National Recording Registry da Biblioteca do Congreso estadounidense.
Listaxe de cancións
Notas
Categoría:Álbums de The Velvet Underground Categoría:Álbums de Nico Categoría:Álbums musicais de 1967 Categoría:Álbums de Verve Records Categoría:Álbums de estrea