Luis Fernando Dadie Fernández, nado en Pasaia (Guipúscoa) o 17 de maio de 1966, é un exfutbolista vasco, que xogaba na demarcación de defensa central.
Traxectoria Formouse nas categorías inferiores da Real Sociedad, debutou co primeiro equipo na tempada 1985/86 ante o Athletic de Bilbao. Despois de seis tempadas sen afianzarse no equipo, e durante as que conquistou a Copa do Rei en 1987, fichou polo Celta de Vigo en 1991.
Na súa primeira tempada en Vigo acadan o ascenso a Primeira División ao rematar o campionato en primeira posición, e sendo Dadíe titular indiscutíbel. No ano 1994 volveu disputar unha final da Copa do Rei, pero o Celta perdeu ante o Real Zaragoza.
No verán de 1994 deixa Vigo e ficha polo CA Osasuna ao igual que o seu ex-adestrador no Celta Txetxu Rojo. Despois de dous anos en Pamplona fichou polo CD Toledo onde as lesións o levaron a retirarse.
Unha vez retirado colaborou como comentarista en Radio Euskadi e formou parte do equipo técnico da Real Sociedad.
Categoría:Nados en Pasaia Categoría:Nados en 1966 Categoría:Futbolistas do País Vasco Categoría:Defensas de fútbol Categoría:Xogadores da Real Sociedad Categoría:Xogadores do Celta de Vigo Categoría:Xogadores do CA Osasuna Categoría:Xogadores do CD Toledo Categoría:Personalidades sen imaxes