miniatura|dereita|Proteína ITGAM ou CD11b (baseado en PDB 1bho). O CD11b (cluster de diferenciación 11b) ou cadea alfa M de integrina (proteína ITGAM) ou CR3A é unha subunidade proteica da superficie de leucocitos, que forma, ao unirse cunha subunidade beta-2 (ou CD18), a molécula heterodímera integrina alfa-M/beta-2 (αMβ2), tamén chamada antíxeno de macrófago-1 (Mac-1) ou receptor do complemento 3 (CR3). Como a segunda cadea desta integrina heterodímera é a integrina común β2 coñecida como CD18, a integrina αMβ2 pertence á subfamilia β2 de integrinas ou integrinas de leucocito. O CD11b está codificado no xene ITGAM do cromosoma 16 humano.
A integrina αMβ2 exprésase na superficie de moitos leucocitos implicados no sistema inmunitario innato, como os monocitos, granulocitos, macrófagos, e células asasinas naturais. Media a inflamación regulando a adhesión celular e migración de leucocitos e está implicado en varios procesos inmunes como a fagocitose, citotoxicidade mediada por células, quimiotaxe e activación celular. Está implicado no funcionamento do sistema de complemento debido á súa capacidade de unirse ao compoñente do complemento 3b inactivado (iC3b). A subunidade ITGAM (alfa) da integrina αMβ2 está directamente implicada en causar a adhesión e espallamento de células, pero non pode mediar a migración celular sen a presenza da subunidade β2 (CD18).
En estudos de aociación en todo o xenoma, os polimorfismos dun só nucleótido no ITGAM mostraron ter unha forte asociación co lupus eritematoso sistémico.
Notas
Véxase tamén Outros artigos integrina CD11 CD11a CD11c
Bibliografía
Ligazóns externas MeshName - Integrin+alphaM Mapa dos antíxenos CD de rato Mapa dos antíxenos CD humanos ITGAM Info con ligazóns na Cell Migration Gateway
Categoría:Antíxenos CD Categoría:Proteínas