El Tram GT6-80C a l'è on tram doperaa in su la red di tram e la S-Bahn de Karlsruhe dal 1983 per el particolar sistema de tram treno de la città.
Struttura El tram a l'è ispiraa a nivell stilistich ai tram de la serie Stadtbahnwagen B (Vittura metrotranviaria B), che vann in sui red del Nord Ren-Westfalia dal 1973.
I vari cass a hinn conligaa cont on carrell Jakob, che 'l permett l'intercomunicazion.
A differenza del la Stadtbahnwagen B, però, la carrozza motris la gh'ha domà ona porta per el personal e l'altra carrozza de estremità la gh'ha domà ona gabina ausiliaria.
I vittur che i gh'ha de andà in su di tratt debon de ferrovia a hinn dotaa de fis'c de avvertiment, i sistema de sicurezza e 'na roeuda particolara adatta sia ai rodaj tranviari che a quej ferroviari.
Storia El primm lott a l'è staa consegnaa in tra el 1983 e 'l 1984, faa su de Waggon Union e elettrificada da Brown, Boveri & Cie.
Us A l'inizzi a hinn staa mittuu in su la linia urbana A (S1 e S11 dal 1994) e dal 1987 in su la linia 2 del tram.
Cont la riforma del 1997, la linia 2 la deventa la linia suburbana de tram treno S2, e donca a hinn doperaa anca li.
Dal 2013 a hinn doperaa anca occasionalment in su la linia 5 e in su la 3 in di moment di picch de utenza.
Trasformazion 501-520: Installazion de la macchinetta di biliett, per ona cadrega de men, installazion di telecamer e de ona zona per trasportà i bici. 506, 515: Restavor dopo de 'n foeugh, mittuu i panej a LED.
Bibliografia 25 Jahre Stadtbahnwagen „Typ Karlsruhe“. In: Der Weichenbengel. 3, 2008, , S. 46–53. Axel Reuther: Album der deutschen Straßenbahn- und Stadtbahnfahrzeuge. 1948–2005. GeraMond, München 2005, ISBN 3-7654-7141-0. Klaus Bindewald: Die Albtalbahn: Geschichte mit Zukunft. Von der Schmalspurbahn zur modernen Stadtbahn. verlag regionalkultur, Ubstadt-Weiher 1998, ISBN 3-929366-79-7.
Vos correlaa Tram GT8-80C Modell Karlsruhe
Categoria:Tram de Karlsruhe Categoria:Tram S-Bahn