Le Betulaceae Gray, 1821 i è 'na famìa de piànte a portamènt de àlber e boscài che se tróa facilmènt en Euròpa, 'n Asia, en Nordafrica e 'ndèle do Amèriche endèle zòne temperàde e frède. La famìa la ciàpa 'l nòm del zèner Betula del qual la fa pàrt la bédola. La famìa le furmàda de presapóc 150 spéci de piànte de altèsa média, che crès a la svèlta e che düra mìa tat.
Sistemàtica Le Betulaceae i è sèmper stàde inserìde 'ndèl ùrden de le Fagales. 'Na ólta, endèla clasificasiù de Cronquist, se tignìa separàde dò famìe: la famìa de le Betulaceae (furmàda dei zèner Betula e Alnus) e chèla de le Corylaceae (cói zèner Corylus, Ostrya, Carpinus, Ostryopsis). Chèsta distinsiù l'è stàda riportàda de l'APG al leèl de sotafamìa.
Zèner L'APG (, agiurnàt al dezèmber del 2005) l'inserés endèla famìa de le Betulaceae chèsti zèner:
Sotafamìa Betuloideae: Alnus Betula (bédola) per en totàl de presapóc 60 spéci.
Sotafamìa Coryloideae: Carpinus (càrpen) Corylus (nösöl) Ostrya (tàera) Ostryopsis per en totàl de presapóc 50 spéci.
Töcc i zèner lüminàcc che sùra, föra che l'Ostryopsis, i fa part de la flora spontànea italiàna.
Categoria:Familie botaneghe