El poder di senza poder (in cecch Moc bezmocných) a l'è on sagg politegh scrivuu del Václav Havel in del 1978 e deventaa vun di fondament de l'attività di dissident in Cecoslovacchia e in Polònia, distribuii in samizdat. El trattava de la vita in d'on regimm comunista e de la trasformazion di cittadin comun in dissident. Aspet In del sagg Havel el spiega el mecanism che on regimm totalitari el ries a tegnì in pè el sò poder anca senza la fede vera di cittadin. L’esempi pussee famos l’è quell del fondeghee: on vendô che ogni matina el tacaa in vetrina on cartel con la scritta «Proletari de tutt el mond, gionteves». El fondeghee el ghe cred minga, e anca la gent che passa la sa che l’è domà ona fras de propaganda. Però el cartell el vegn mostraa istess per schivà problema e per dimostrà obbedienza al sistema.
Per l'Havel, el regimm el soraviv minga domà grazie a la repression o a la violenza, ma anca grazie a la partecipazion quotidiana di person comun a di rit publegh che, in privaa, tucc sann che hinn fals. El filòsof cecch el definiss quest mecanism «viv in la busia». «El poder del sistema el nass minga da la verità de la propaganda, ma da la disponibilità general a comportass come se la fuss vera. Quand che però anca domà ona persona la desmett de recità — per esempi quand el fondeghee el tira via el cartell — l’illusion del sistema la scomincia a s'cepàss».
Riferiment
Vos corelaa Letter a Olga Charta 77
Categoria:Sagg de Václav Havel