L'Imper Roman d'Ocident l'è nassid (segond la convenzion storega) ind el 395 a la mort del Teodosi I. La so cerna de spartir ol governar intra i so s'ciets, anca se l'era miga ind i so intenzion, l'ha portad a la formazion de duu organism statai qe i ha ciapads do strade diverse, e i s'è mai plu reunids. Ma jà de la tetrarqia del Dioclezian s'era començad a spartir intra plu capitai ol governar de l'Imper, voramai trop grand e con trop pericoi ai confin, e jamò de un poo l'era deventad normala la presenza de duu imperator, vun a ocident e vun a orient.
De tute i manere, l'ideia de unitaa l'è semper restaita, e ge sarà tants tentativ orientai de salvar la banda ocidentala e, despò de la so fin, de far-la renasser.
L'ultem imperador l'è d'ordinare considerads ol Romol August, tirads vià del tronn del Odoaqer ind el 476; de iure, però, l'ultem sovran l'è stait ol Juli Nepot, qe l'era stait fracads del pader del Romol, Oreste. Al tegniva anc'mò la sovranitaa in su la Dalmazia, e l'è mort ind el 480, intant qe l'era dree a organizar una spedizion militara per reciapar ol tronn.
Riferiments
Categoria:Imperi roman Categoria:Antichità tarda Categoria:Storia romana Categoria:Stat nassud in del 395 Categoria:Stat finid in del 476