I elezzion ministrative de Milan del 2021 gh'è stadr el 3 e 'l 4 de otober 2021 per catà foeura el sindegh de Milan per el mandad 2021-2026, oltra che i member del Consili Comunal e i noeuv President di Municipi cont i so Consili.

De solet i elezzion comunai in Italia se fann in tra el 15 de avril e 'l 15 de sgiugn, ma inn stade spostade del governo a causa del COVID-19.

Sistema eletoral Per el comun, el candidad sindegh el po vincer al prim turn cont el 50%+1 di vot valid, se nissun ja ciapa, a gh'è un ballotagg. Quell che 'l vensg el ciapa un premi de magioranza del 60% di scagn, ma domà se 'l ciapa almen el 40% di vot al prim turn. Domà i coalizzion che ciapen almen el 3% ciapen un scagn.

In di municipi, l'è assee ciapà el 40% al prim turn, e se gh'è un paregg el vinc el pussee sgiovin.

Scerna di candidad Center-destra El center-destra gh'ha mitud un poo a trovà un candidad: prima de la pandemia de COVID-19 el Giulio Gallera el somejava el candidad in pectore de la coalizzion, ma poeu l'è borlad un poo in desgrazziaGallera lancia un sondaggio: vuole diventare sindaco di Milano, a eren stad insubid prima el Paolo VeronesiChi è Paolo Veronesi, poeu el Paolo Del DebbioSindaco di Milano, Del Debbio: "Non mi candido", poeu el Maurizio LupiLa Repubblica, poeu el Roberto Rasia Dal PoloChi è questo Rasia Dal Polo di cui tutti parlano a Milano, poeu l'Alberto ZangrilloIl Giorno , l'ex sgiugador de folball Franco BaresiBaresi: io candidato sindaco? e anca el retor del Politecnegh Ferruccio Resta“Fare il sindaco non mi compete”. Parla Ferruccio Resta (Politecnico di Milano). El pareva, in principi, sgiamò scernud l'Oscar di MontignyDi Montigny non si candida e dimostra che il centrodestra è una coalizione solo a parole, imprenditor assee sostegnud de la Liga, ma l'è andad no ben, poeu l'ex sindegh Gabriele Albertini, che infin l'ha scernud de correr no e 'l somejava che l'havaria fad el vicesindegh per la coalizzionGabriele Albertini sul prossimo sindaco di Milano: "Il mio erede? Solo Silvio Berlusconi. Se avesse voglia...", e infin a l'è stad catad foeura el Luca Bernardo, pediatra de l'Ospedal di Frati.Luca Bernardo candidato sindaco a Milano, ecco chi è lo sfidante di Sala

Center-sinistra Per el center-sinistra la strada a l'è stada assee svelta: el sindegh che 'l sortiva Giuseppe Sala l'ha nonziad de candiàss ancamò a fin 2020, senza una lianza cont el Moviment 5 Stelle, e l'è stad bon anca de conciliàss con Europa Verda, che la voreva fà 'na candidatura autonoma dopo che 'l Sala l'ha fad tajà di piante per lassà spazzi a 'n noeuv campus del Politecnegh. El 12 de marz 2021 el Sala el s'è sgiontad a Europa Verda.Elezioni a Milano, torna la pace tra Sala e i Verdi

Candidad

CoalizzionListeCandidadNote Center-sinistra Partid Democrategh Giuseppe Sala Beppe Sala Sindegh Milan Unid - La Manzina per Sala I Reformista - Lavorom per Milan Europa Verda Milan in Salut Volt Italia Milan Radical Center-destra Liga Luca Bernardo Fradej d'Italia Forza Italia Luca Bernardo Sindegh Maurizio Lupi - Milan Popolar Partid Liberal Europee Moviment 5 Stelle Layla Pavone Mariani Sindegh Milan in Comun Gabriele Antonio Mariani Civega AmbientaLista Goggi sindegh Socialista per Milan Giorgio Goggi Milan Liberal Partid Comunista Alessandro PascalePoder al PopolBianca TedonePartid GayMauro Festa Milan el scomincia chinscì Bryant Biavaschi Italexit Gianluigi Paragone Partid Comunista di Lavorent Natale Azzarettohttps://www.pclavoratori.it/files/index.php?obj=NEWS&oid=7042 Partid Comunista Italian Marco Muggiani Moviment 3V Teodosio De Bonis

Programa Sala El programa del Sala a l'è fondad in sui robe fade in di cinch agn de prima, con l'idea de 'na "cità a quindes menut" indova che i servizzi poden vesser pussee vesin al citadin, un des'centrament pussee fort e di roeul pussee per i municipi.

A gh'è anca l'atenzion a l'ambient, con pussee piante in la cità e di zone senza veicoi che inquinen e 'l sgiontà insema di vari parch in d'un unegh parch metropolitan, pussee zone 30 e 'n slargà del straport publegh e de la mobilità compartida.

L'insubiss 'n ciapà 500 pussee de Ghisa per havégh 'na cità pussee segura, de investì in di presidi de polizzia e de fà su i Cà de la Salut, per fà pussee forta la sanità territorial.

Bernardo El Bernardo el volaria meter al segur la cità a ciapà 600 pussee de Ghisa e a toeu via tucc i camp di zingher e i center sociai irregolar.

El voeur fà 'n sistema de jut ai disabel, cont un assessorad aposta e 'n toeu via di barrere architetoneghe e 'l tele-socors per i sgent a ris'c. Per la sanità territorial el voeur fà 'n pian per garantì un tot de dotor de bas in d'ogni quarter.

El voeur sbassà i tasse e la burocrazzia, inscì de fà Milan 'na capital di "start-up", e 'l sostegn el des'centrament ai municipi e l'elezzion direta del Sindegh de la Cità Metropolitana de Milan.

Per la mobilità, el voeur toeu via l'Area C per tornà a Ecopass, scassà i ciclabil a ris'c e eletrifegà a la svelta el straport publegh, e de ativà la linia M4 subit de fà andà el metrò 24 ore in del fin de la setimana.

Pavone La Pavone la voeur una cità inclusiva, ecologega, che la consuma poch e conetuda ben, senza periferie problemateghe, assee incentrada in sui quarter, inscì de evità trop de spostament. La voeur trasformà l'Area B in d'un sistema de pedagg per andà dent in la cità, compagn del vegg Ecopass, e pussee de zone 30 e isole pedonai.Corriere

Mariani El Mariani el voeur 'na cità pussee accessibel, che la costa manch, e con men de desuguajanze, senza speculazzion di cà.Eco di Milano

Goggi El Goggi el voeur dervì ancamò i Navili e dedicàgh 'n assessorad, dedicad anca ai aque, e 'l pensa che 'l saria assee per sistemà la viabilità del center de Milan.Milano Today

Pascale El Pascale el pensa che Milan el sibia ostagg del capitalismo e che 'l comun el gh'ha de jutà domà i aziende piscinine, a pat che ghe dann assee de dirit ai lavorent, e che i noeuve aziende gh'hann de vesser fade su del Consili Comunal, insema ai lavorent, che besogna sbassà i diferenze de redit in tra i zone e restruturà i cà del comun per dàj a la sgent, e tassà pussee i gran patrimoni.Eco di Milano e Provincia

Tedone La Tedone la voeur un "Milan publegh", che 'l sibia no un "parch sgioeugh" per i sciori. La voeur anca men de precariad e de esternalizazzion di servizzi municipai.Intervista alla candidata Bianca Tedone

Festa El Festa el voeur un Milan gestid compagn de 'na gran azienda e che 'l sibia semper sensibel ai necessità di minoranze, inclusa quella LGBT, con de la formazzion per savé come tratàj, e fà di cà de recojenza per quei a ris'c e che besògna lavorà per dàgh a Milan 'n imagen miteleuropea e ciapà sgent e investiment de tuta Europa.Intervista al candidato sindaco Mauro Festa

Biavaschi El Biavaschi el voeur un Milan minga partid di ideologie, la vertura di Navili, la cità a 15 menut e slargà la metropolitana verda fina in via Rivamont, di zone franche con i tasse pussee basse e 'n Milan che 'l scomincia di quarter.Elezioni Milano, il candidato sindaco Biavaschi: “La città riparta dai quartieri”

Paragone El Paragone l'insubiss de sbassà i tasse, soratut ai sgioven e ai familie, de fermà la privatizazzion di aziende publeghe, de tutellà i aziende piscinine e i boteghe, de toeu via i aree B e C, di criteri noeuv per i cà popolar e de difender i sgent del perder la cà, pussee de sigurezza, soratut per i periferie, 'na sanità del territori pussee forta, el no a la certifegazzion verda del COVID-19 in la scoeula, 'na tassa de soggiorn per i obergh de luss e 'n evoluzzion tecnologega per l'ambient.Programma in pillone - Paragone Sindaco

Azzaretto Azzaretto el voeur un Milan che 'l sibia no in man ai "poder fort" ma al popol, representad di assemblee di citadin, pussee spazzi de socialità e 'n straport publegh che 'l costa men.Il compagno Azzaretto è il nostro candidato sindaco di Milano

Muggiani El Muggiani el voeur "domignà el capitalismo" in su modell chines, cont el meter, per esempi, di limit in sui prezzi del vender di cà, meter pussee cà popolar e dà pussee lavorà publegh e esternalizà men i servizzi.Io, comunista candidato a Milano». Sfida elettorale del medico di Robbio

De Bonis El De Bonis a l'è contrari al vacin contra el SARS-CoV-2, a la certifegazzion verda, al distanziament social e ai restrizzion contra el COVID-19, el stop al 5G e la contrarietà al bancomat, con la proposta de fà pagà men quei che doperen i contant.Il medico candidato novax, no greenpass e (sul serio) "no bancomat"

Resultad Comun

Municipi Tucc i Municipi de Milan inn andad a la coalizzion de center-sinistra.

Riferiment

Categoria:Politega milanesa