L’Etaa dora (gregh: χρύσεον γένος; latin: aurea aetas) l’è el nom ch’es da ind la Grezzia antiga e ind el mond roman a quell period de temp apena adree de la Creazzion de l’hom, che l’è sozziad con nozzenza e felizzitaa e che l’è un’allegoria a l’infanzia de l’umanitaa. Per i Roman in quell’etaa chì el temp el mudava mai e l’era semper primavera, el mond l’era vabitad de una sorta de vesser uman perfezzionad ciamad la ‘razza dora’ e el zel l’era governad del dia Saturen. I homen viveven compagn di dia, senza cognosser preocupazzion, desgrazzie o miserie. Quand che ghe rivava la sò ora de morì, se indormentaven in pas senza patiment. Quand che el Sgiœuv l’ha ciapad el podé quella razza chì l’è sfantada via de la terra, e gh’è fenid l’Etaa dora.
Depos de l’Etaa dora gh’è quella de l’arsgent, quella del bronz, quella dei eroj e a la fenitiva quella del ferr, l’etaa darera e ancamò quella del dì de incœu.Robin Hard - The Routledge Handbook of Greek Mythology: Based on H.J. Rose's "Handbook of Greek Mythology", p.69-70, Psychology Press, 2004 , Accessed 2017-06-May
Referenze
Olter proget
Categoria:Mitologia greca Categoria:Mitologia romana