Лабуристичка партија (; во буквален превод Работничка партија) е една од двете водечки политички партии во Обединетото Кралство, опишана како сојуз на социјалдемократи, демократски социјалисти и синдикалци.
Основана е во 1900 година како наследник на синдикалното движење и социјалистичките партии од 19 век. На почетокот од 1920-тите ја престигнала Либералната партија и станала главна опозиција на Конзервативната партија при што формирала две малцински влади под Рамзи Мекдоналд во 1920-тите и раните 1930-ти.
Политичките програми на лабуристите соодветствуваат со социјалдемократијата на европскиот континент, а по Втората светска војна примениле многу од овие идеи, меѓу кои национализацијата на клучните државни индустриски гранки и кејнзијанската економска политика.
Во 1979 г. биле поразени од конзервативците на Маргарет Тачер и останале во опозиција речиси две децении.
На крајот на 20 век, ги отфрлиле социјалдемократските принципи од нивната програма и ја презеле тачеристичката економска политика и политиката на Трет пат, промовирајќи ги „Новите лабуристи“.From Thatcherism to New Labour: Neo-Liberalism, Workfarism and Labour Market Regulation, Professor Bob Jessop, Lancaster University. Retrieved using Internet Archive: 4 March 2012. По ова дошле на власт и уште двапати победиле на парламентарни избори. По поразот на парламентарните избори во 2010 година преминале во опозиција. Тогаш, Ед Милибанд го презел водството со партијата но поднел оставка по поразот на општите избори во Обединетото Кралство во 2015 година.
Актуелниот водач на Лабуристичката партија е Кир Стармер, кој во 2019 година на внатрепартиски избори ја победил неговата соперничка Ребека Лонг-Бејли, кои се одржале откако Џереми Корбин ја објавил својата оставка како лидер на партијата по неуспехот на општите избори во 2019 година.
Значајни членови на Лабуристите низ годините се: Ремзи Мекдоналд, Клемент Атли, Хју Гејтскел, Харолд Вилсон, Џејмс Калахан, Тони Блер, Гордон Браун.
Наводи
Литература
Надворешни врски
Labour in Northern Ireland Campaign Unofficial website, with an archive of Labour electoral manifestos from 1900-present and a directory of Labour Party websites, including constituency associations Unofficial history website SpinWatch profile - Labour Friends of Israel Guardian Unlimited Politics - Special Report: Labour Party LookSmart - Labour Party directory category Open Directory Project - Labour Party directory category
Категорија:Социјалдемократски партии Категорија:Политички партии во Обединетото Кралство Категорија:CS1-одржување: датумски формат