Умберто Коломбо (1927 – 13 мај 2006) ― италијански хемиски инженер и академик од еврејска народност и министер за универзитети, наука и технологија на Италија.
Ран живот и образование Коломбо бил роден во 1927 година. Докторирал физичка хемија на Универзитетот во Павија. Бил соработник на Фулбрајт Технолошкиот институт во Масачусетс во САД.
Кариера Коломбо се обучил како хемиски инженер и работел како професор на Универзитетот во Милано во 1970-тите. Служел како претседател на италијанската енергетска фирма Ени еден краток период од ноември 1982 до јануари 1983 година пред да биде назначен за шеф на италијанската единица за јадрена енергија.
Од 1993 до 1994 година Коломбо бил министер за универзитети, наука и технологија во кабинетот на Чампи. По ова, станал член на италијанскиот национален совет за економија и труд. Бил еден од акционерите на Energy Conversion Devices и станал член на неговиот одбор на директори во јули 1995 година пред да се пензионира во ноември 2004 година.
Други позиции што ги извршувал Коломбо вклучувале и претседател на ЕНЕА (италијанска национална агенција за нова технологија, енергија и животна средина; 1983-1993), претседател на Европската научна фондација (1991-1993), претседател на италијанскиот фонд за јаглеводороди, генерален директор на Р&Д и стратешко планирање на Монтедисион, директор на истражувачкиот центар G. Donegani на Montecatini, гувернер на меѓународниот центар за развој на истражување (IDRC; 1985-1990) во Канада, претседател на советодавниот комитет на Обединетите нации за наука и технологија за развој (1984- 1986), претседател на LEAD-Europe, и претседател на асоцијацијата за управување со истражувања на европскиот институт. Исто така бил член на извршниот комитет на Римскиот клуб кој бил основан од Аурелио Печеи.
Работи Во 1989 година, Коломбо и неговиот колега италијанскиот научник Франческо Скарамузи експериментирале со јадрено соединување известувајќи дека тие успешно создале јадрено соединување на собна температура.
Награди Коломбо бил добитник на наградата за екотехнологија на Фондацијата Хонда во 1984 година. Исто така бил награден со кинеската државна награда за меѓународна научна и технолошка соработка во 1999 година.
Смрт Коломбо починал во Рим на 13 мај 2006 година на 78-годишна возраст.
Наводи
Надворешни врски
Категорија:Починати во 2006 година Категорија:Родени во 1927 година Категорија:Италијански инженери Категорија:Починати во Рим Категорија:Италијански Евреи Категорија:Италијански хемичари Категорија:Италијански физичари