Дарлин Рајт (англиски: Darlene Wright; родена на 26 јули 1941) позната по нејзиното уметничко име Дарлин Лав (англиски: Darlene Love) ― американска ар-ен-би и соул-пејачка и глумица. Таа била пејачка на женската група Blossoms, а подоцна имала и соло-кариера.
Уште како дете пеела во месниот црковен хор. Во 1962 година, таа работела како сесиска пејачка за продуцентот Фил Спектор кој ја преименувал во Дарлин Лав. Таа ги отпеала песните „He's a Rebel и „He's Sure the Boy I Love“, кои станале песни од женската група The Crystals.“ Наскоро станала многу барана пејачка и соработувала со многу рок и соул-легенди од 1960-тите, како: Сем Кук, Дион Ворвик, Бил Медли, Бич Бојс, Елвис Присли, Том Џонс и Сони и Шер. Како глумица, Лав настапувала во многу претстави на Бродвеј. Таа имала улога и во серискиот филм Смртоносно оружје.
Секоја година непосредно пред божиќните празници Дејвид Летерман ја канел Дарлин Лав во неговото телевизиско ток-шоу за да ја отпее песната „Christmas (Baby Please Come Home)“. Ваквите настапи започнале во 1986 година и продолжиле до 2014 година. Летерман ја нарекол Лав „Божиќна кралица“. Во 2015 година таа почнала годишно да ја пее песната во The View.
Според Ролинг Стоун Лав е меѓу 100-те најдобри пејачи на сите времиња, а во 2011 година таа била примена во Куќата на славата на рокенролот. Лав учествува во документарниот филм награден со Оскар Дваесет стапки од славата (англиски: 20 Feet from Stardom) (2013), за кој таа добила Греми награда.
Наводи
Надворешни врски
Историја на рокенролот: Дарлин Лав
Категорија:Афроамерикански глумици Категорија:Американски пејачки од 21 век Категорија:Американски пејачки од 20 век Категорија:Американски пејачи и пејачки од 21 век Категорија:Американски пејачи и пејачки од 20 век Категорија:Пејачи од Калифорнија Категорија:Американски ритам и блуз пејачи Категорија:Американски поп-пејачки Категорија:Добитници на Греми Категорија:Живи луѓе Категорија:Родени во 1941 година