Boyz II Men (транскрипција: Бојс ту мен) ― американска вокална група од Филаделфија, препознатлива по емотивните балади и а-капела хармонијата во нивните песни. Групата била основана во 1985 година, а во неа членуваат: баритонот Нејтан Морис и тенорите Вања Морис и Шон Стокман. Во текот на 1990-тите, Boyz II Men биле квартет со бас-пејачот Мајкл Мекари, кој во 2003 година ја напуштил групата поради здравствени проблеми и подоцна му била дијагностицирана мултипла склероза.
Во 1991 година, по објавувањето на нивните синглови „Motownphilly“ и „It's So Hard to Say Goodbye to Yesterday“,групата ги забележала првите успеси; двата сингла се пласирале во топ-5 на Billboard Hot 100. Нивниот сингл од 1992 година, „End of the Road“ се искачил на врвот на топ-листата и поставил тогашен рекорд со поминати 13 недели на оваа позиција. Boyz II Men двапати го соборувале овој рекорд со сингловите „I'll Make Love to You“ и „One Sweet Day“ (со Мараја Кери), кои биле на прво место на топ-листата 14 и 16 недели, соодветно. Откако „On Bended Knee“ ја истиснал од прво место песната „I'll Make Love to You“, Boyz II Men станале трети музичари, по Битлси и Елвис Присли, кои успеале една своја песна да ја заменат со друга на врвот на Billboard Hot 100. Поради овие успеси, списанието Билборд од 1987 до 2012 година ги ставало Boyz II Men на прво место на нивниот список од „Најдобри машки групи“.
По заминувањето на Мекари, Boyz II Men продолжиле да настапуваат како трио. Нивниот најнов студиски албум, Under the Streetlight, бил објавен во 2017 година. Boyz II Men освоиле четири Греми награди.
Членови
Сегашни членови
Нејтан Морис (1985-денес) Вања Морис (1987-денес) Шон Стокман (1988-денес)
Поранешни членови
Мајкл Мекари (1988-2003) Марк Нелсон (1985-1990) Џорџ Балди (1985-1988) Џон Шотс (1985-1988) Маргерит Вокер (1985-1988)
Дискографија
Студиски албуми
Cooleyhighharmony (1991) Christmas Interpretations (1993) II (1994) Evolution (1997) Nathan Michael Shawn Wanya (2000) Full Circle (2002) Throwback, Vol. 1 (2004) The Remedy (2006) Motown: A Journey Through Hitsville USA (2007) Love (2009) Covered: Winter (2010) Twenty (2011) Collide (2014) Under the Streetlight (2017)
Наводи
Надворешни врски
Категорија:Добитници на Греми Категорија:Американски поп музички групи Категорија:Американски соул-групи Категорија:Американски современ ритам и блуз групи Категорија:Музички групи од Филаделфија Категорија:Трија Категорија:Квартети Категорија:Музички групи основани во 1988 година Категорија:Американски машки групи Категорија:Американски вокални групи Категорија:Изведувачи на балади Категорија:Афроамерикански музички групи