Хелсинг (, ) — манга создадена од Кота Хирано. Објавена е за првпат во јапонското списание Young King OURs во 1997 г. и завршила во септември 2008 г. Поединечните поглавја биле собрани во танкобон и објавени од Shonen Gahosha во Јапонија. Во март 2009 г., сите поглавја од мангата биле објавени во 10 тома. Приказната раскажува за тајната организација „Хелсинг“ и нејзината борба против натприродните сили што му се закануваат на Обединетото Кралство.
Во октомври 2001 г., аниме-адаптација на мангата создадена од студиото Gonzo за првпат била прикажана на јапонскиот канал Fuji Television. Режисери биле Уманосуке Ида и Јасунори Урата, но серијата била снимена по сценарио на Чиаки Конака и била заснована само на првите два тома од мангата. Ова водело до значителни несогласувања помеѓу анимето и изворното дело. Преносот завршил во јануари 2002 г. Во февруари 2006 г., првиот дел од серијата OVA, наречен Hellsing Ultimate, бил објавен во Јапонија. Новата адаптација го следи заплетот на мангата многу поблиску до аниме-серијата. Во декември 2012 г. била објавена десеттата и последна епизода. Екранизациите, како и мангата, биле објавени во различни земји низ светот.
Содржина „Хелсинг“ е организација создадена од Англиканската црква за да ја заштити Британската Империја и самата кралица од немртвите и другите натприродни сили, предводени од Кралскиот ред на протестантските витези. Првиот раководител на организацијата бил Абрахам ван Хелсинг, измислен лик од романот „Дракула“ на Брам Стокер, лекар по потекло од Холандија, стручњак за окултизам, чие име е наведено во насловот на организацијата. За време на настаните од главната приказна, организацијата ја води Интегра Фербрук Вингејтс Хелсинг (луѓето околу неа ѝ се обраќаат со „сер Интегра“, и покрај тоа што е жена). Леди Интегра го наследила раководството на организацијата на млада возраст по смртта на нејзиниот татко, Артур. Вториот можен наследник бил братот на Артур, Ричард. Додека се обидува да ја убие првата наследничка, Ричард, по случајност, го буди најсилното оружје и главното наследство на семејството Хелсинг, вампирот Алукард. Алукард е самиот гроф Дракула, кој по поразот од Ван Хелсинг се заколнал дека ќе им служи на луѓето. По будењето, Алукард ја нарекува Интегра своја госпоѓа и како последица на тоа, Ричард бил застрелан од самата Интегра, со помошта на Алукард. Овие настани имале силно влијание врз ликот на Интегра, правејќи ја смела и непоколеблива. Интегра е заштитена и од икономот на семејството Хелсинг, Волтер К. Дорнез, поранешен оперативец на Хелсинг. На почетокот на приказната, поранешната полицајка Викторија Серас, која Алукард ја претворил во вампир за време на една од операциите, несвесно се приклучува на организацијата.
Како што напредува приказната, нападите на немртвите стануваат сѐ почести, сер Интегра дознава за нацистичката група „Милениум“, која сè уште постои и се обидува да го оживее Третиот Рајх со создавање на баталјон од вампири. „Хелсинг“, „Милениум“ и XIII оддел на Ватикан „Искариот“ започнуваат тринасочна војна по улиците на Лондон, а „Милениум“ ја открива својата главна цел: да го победи вампирот Алукард во спротивставувањето што започнало за време на Втората светска војна и да ја преземе Англија.
Наводи
Надворешни врски
Official Geneon Entertainment Hellsing website ANN Hellsing Ultimate 1–4 review ANN Hellsing Ultimate 5–8 review __СОСОДРЖИНА__ __ИНДЕКС__
Категорија:Манги Категорија:Аниме-серии Категорија:OVA Категорија:Манга од 2002 година Категорија:Манга од 1997 година