Димитар Николов Фурнаџиев, во странство познат како Деметер или Деметриус (; Банско, 1866 — Софија, 30 јануари 1944) — американски-македонски активист, презвитеријанист и теолошки пропагатор со потекло од Пиринска Македонија. Меѓу најстарите македонски емигранти во САД.

Животопис Димитар Фурнаџиев е роден во 1866 година во градот Банско, Пиринска Македонија. Неговите предци биле македонски емигранти од Дојран.El Paso herald., September 13, 1913, Week-End Edition, Real Estate and Too Late to Classify, Image 10The Ogden standard. [volume], September 13, 1913, 4 o'clock p.m. City Edition, Page 9, Image 9 Татко му Никола Фурнаџиев (о. 1840 — 1909) учествувал во Македонското востание и бил протестантски свештеник. Првобитно образование стекнал во неговиот мајчин град. Во 1890 година се иселил во Соединетите Американски Држави. Во 1891 година се запишал во универзитетот Принцтон, Њу Џерси.

Како пропагатор говорел за петвековна турска робија на македонскиот народ. Во 1893 година го оддржил неговиот прв говор насловен „Младите луѓе на Македонија“. Во 1894 година оддржил говор во Харисбург, Пенсилванија насловен „Сегашните социјални, политички и религиозни услови во Македонија“. Во 1895 година докторирал по теологија. Во 1898 година се оженил со Зорица Караиванова. Во 1899 година се вратил во Ќустендил. Дејствувал како свештеник во Хасково, Пловдив и Софија.

После неуспехот на Илинденското востание, во 1903 година се преселил во Охајо. Таму се запознал со нова генерација на македонски емигранти. Заедно со младиот свештеник Марко Попов, патувале низ Њујорк каде собирале пари за сиромашните Македонци во Пиринска Македонија.Daily Kennebec journal. [microfilm reel], October 26, 1903, Page 2, Image 2The Wichita daily eagle. [volume], November 01, 1903, EDITORIAL SECTION, Page 24, Image 24 Во неговите говори истакнал дека имало околу 250.000 Македонци во Бугарија.Der Deutsche correspondent. [volume], November 10, 1903, Image 4SUFFERING IN MACEDONIA; Bulgarian Clergymen Arrive Here to Seek American Aid. Thousands of People Perishing from Cold and Hunger -- Fugitives Desperate, Insurgents Determined. (1903) од Њујорк Тајмс Во 1904 година патувал низ Америка заедно со Константин Стефанов. Откако собрал пари во 1905 година се вратил во Ќустендил. Во 1911 година назначен е за претседател на бугарската евангелистичка алијанса и првата евенгелистичка црква во Бугарија.

За време на Балканските војни, Фурнаџиев бил во Германија. Преку Велика Британија се вратил во Бугарија. Кога почнала Првата светска војна се вратил во Америка. Во САД продолжил да дејствува како пропагатор до 1931 година. Истата година се вратил во Бугарија каде се борел за подобра соработка меѓу БПЦ и СПЦ. Починал на 30 јануари 1944 година, имал две деца.

Наводи

Категорија:Луѓе од Банско Категорија:Починати во Софија Категорија:Македонци во Бугарија Категорија:Македонски преселници во Софија Категорија:Родени во 1866 година Категорија:Починати во 1944 година Категорија:Американски Македонци Категорија:Македонски протестанти Категорија:Македонски преселници во Ќустендил Категорија:Погребани на Централните софиски гробишта