Градски стадион Сурдулица, моментално познат како стадион Ефбет поради спонзорски причини, е фудбалски стадион во Сурдулица, Србија. Тоа е домашен терен на ФК Радник Сурдулица. Стадионот има сместивост од 3.312 гледачи.
Стадионот постои од 1955 година и од почетокот служи како домашен терен на ФК Радник Сурдулица. Во 1987 година била создадена јужната трибина. Во 2015 година ФК Радник бил промовиран за прв пат во својата историја во Српската Суперлига и во летото 2015 стадионот бил модернизиран и проширен; поставени биле нови трибини на исток, север и запад, како и јарболи за рефлектори. Реновирањето чинело околу 40 милиони динари, а капацитетот на стадионот бил зголемен на 3.312 седишта.
На 23 мај 2018 стадионот бил домаќин на финалето на Купот на Србија помеѓу ФК Партизан и ФК Младост Лучани. Натпреварот се играл на полн стадион и со резултат од 2–1, Партизан ја освоил титулата по шести пат во историјата (петнаесетти, вклучително и југословенската ера). Организацијата на овој натпревар во Сурдулица била доведена во прашање поради релативно малиот стадион и безбедносни причини, но федерацијата останала на одлуката.
На 15 ноември 2018 година на стадионот се одиграл пријателски натпревар помеѓу српската и македонската фудбалска репрезентација до 18 години. Српскиот тим победил со резултат од 2-0.
Во сезоната 2018–19, по историската промоција во Суперлигата, ФК Динамо Врање повеќето од своите натпревари ги одиграла на градскиот стадион Сурдулица поради инфраструктурни проблеми со теренот во нивниот град.
Ѕидовите после јужната, главна трибина се насликани со карактеристични мурали.
Поврзано
Список на фудбалски стадиони во Србија
Наводи
Категорија:Фудбалски стадиони во Србија Категорија:Врамена карта без назнака за OSM-однос на Википодатоците