Хју Ентони Крег III (англиски: Hugh Anthony Cregg III; роден на 5 јули 1950), естрадно познат како Хјуи Луис (англ. Huey Lewis) ― американски пејач, текстописец и глумец.
Луис е познат како предводник на групата Huey Lewis and the News. Групата е можеби најпозната по нејзиниот трет и најпродаван албум Sports и нивниот придонес во саундтракот за филмот од 1985 година Враќање во иднината. Луис од 1972 до 1979 година свирел во групата Clover.
Живот и кариера Хјуи Луис е роден во Њујорк, но детството го поминал во Марин Каунти во Калифорнија.Marin Nostalgia Retrieved 2016-12-16. Студирал инженерство на Универзитетот Корнел, но се откажал од студиите за да се посвети на музичката кариера. мини|249x249пкс| Луис на почетокот од 1990-тите Луис почнал да свири на хармоника и да настапува со разни блуз и рок-групи во Сан Франциско на почетокот од 1970-тите години. Во 1971 година се приклучил на групата Clover, која свирела калифорниски рок. Отприлика во тоа време го присвоил уметничкото име „Хјуи Луис“. Clover првите успеси ги забележале во Обединетото Кралство, каде што свиреле на првиот албум од Елвис Костело (снимен во ОК) и други познати музичари. Сепак, Clover се распаднал во доцните 1978, а Луис решил да основа своја група.
Група Huey Lewis and the News Под името „Блузи Хјуи Луис“, Луис свирел хармоника на историскиот албум од Thin Lizzy од 1978 година Live and Dangerous. Во 1979 година, Луис, заедно со неколку музичари од веќе распаднатата група Clover, ја основал групата Huey Lewis and the News. Првиот албум го издале во 1980 година, но не постигнал комерцијален успех. Вториот албум, Picture This (1982), го пробил патот за нивната популарност со хитот „Do You Believe in Love“, кој станал нивен прв хит на Billboard Hot 100.
Третиот албум на групата, Sports (1983), е едно од најпродаваните поп-изданија на сите времиња. Четири синглови од албумот стигнале до топ-10 на Billboard Hot 100: „Heart and Soul“ стигнал до осмо место, а „I Want a New Drug“, „The Heart of Rock & Roll“ и „If This Is It“ стигнале до шесто место. лево|мини| Луис во 2009 година Неговата песна „The Power of Love“ била хит број 1 во САД и била прикажана во филмот „Враќање во иднината“ од 1985 година, за кој ја снимиле и песната „Back in Time “. Луис имал камео појавување во филмот како член на жири кој ја отфрла аудицијата на групата на Марти МекФлај за натпреварот „Битката на групите“ во училиштето. Во филмот, групата свири инструментална хеви-метал верзија на „The Power of Love“. Песната „The Power of Love“ била номинирана за Оскар.
По успехот со „The Power of Love“ и „Враќање во иднината“, Huey Lewis and the News го објавиле четвртиот студиски албум. Fore! (1986). Албумот се искачил на прво место на Билборд 200 и од него призлегле хитовите „Stuck with You“ и „Hip to Be Square“.
Со промената на музичките вкусови во доцните 1980-ти и во 1990-тите, популарноста на групата почнала да опаѓа, но тие продолжиле да снимаат нови песни и да настапуваат во живо. Албумот Hard at Play (1991) имал неколку умерени хитови, но не го достигнал успехот на претходните изданија.
На 13 април 2018 година, Луис објавил дека му била дијагностицирана Мениерова болест и дека „не можел да слуша доволно добро за да пее“. Како резултат на тоа, останатите концерти закажани за турнејата во 2018 година биле откажани.
Во ноември 2023 година, било објавено дека мјузиклот „Срцето на рокенролот“ со музика од групата ќе дебитира на Бродвеј во март 2024 година. Луис бил вклучен во развојот на претставата од 2018 година.Paulsen, Michael (1 November 2023). Huey Lewis and the News Musical Is Coming to Broadway in March, The New York Times
Наводи
Надворешни врски
Категорија:Апсолвенти на универзитетот „Корнел“ Категорија:Американски рок пејачи Категорија:Американски соул пејачи Категорија:Американци со полско потекло Категорија:Американци со ирско потекло Категорија:Американски филмски глумци Категорија:Живи луѓе Категорија:Родени во 1950 година Категорија:Статии со hCards Категорија:Статии со краток опис Категорија:Американски кантавтори Категорија:Американски поп-пејачи