Glass Animals ― англискa инди-рок група основана во Оксфорд во 2010 година. Составена е од: Дејв Бејли (пејач, гитара, клавијатури, тапани, пишување песни), Дру Мекфарлан (гитара, клавијатури, придружен вокал), Едмунд Ирвин-Сингер (бас, клавијатури, придружен вокал) и Џо Сиворд (тапани).
Најпозната песна од групата е „Heat Waves“, која станала вирална на TikTok. На Британските музички награди во 2022 година, групата била номинирана за две награди (најдобар британски изведувач на алтернативна/рок музика и „Heat Waves“ за најдобар британски сингл). Во 2022 година биле номинирани за Греми за најдобар нов изведувач.
Историја Членовите на Glass Animals се запознале додека учеле во Оксфорд. Почнале да свират заедно како група во 2010 година. На почетокот свиреле во мали клубови, а постепено добивале признание благодарение на нивните иновативни снимки.
На 28 мај 2012 година, групата го издала нивното прво EP Leaflings. Било издадено од независната издавачка куќа Kaya Kaya Records, подружница на XL Recordings.
Во 2013 година, групата го издала Black Mambo / Exxus EP во Европа и Glass Animals EP во САД.
На 6 јуни 2014 година Glass Animals го издале нивниот прв албум Zaba. Најпознатите песни од албумот биле: „Gooey" (која станала вирален хит и им донела меѓународен успех) и „Black Mambo" (која била користена во ТВ серии и филмови). мини|Основачот и фронтмен Дејв Бејли во ноември 2018 година Вториот албум How to Be a Human Being бил издаден на 26 август 2016 година од Wolf Tone и Caroline International во Европа, и Harvest Records во САД. Бил инспириран од приказните на непознати луѓе кои Бејли ги запознал на турнеја, при што секоја песна раскажувала различна приказна од различна перспектива. Најпознати песни од албумот биле: „Youth" (меланхолична балада за изгубено детство) и „Life Itself" (која ја отвора приказната на албумот). Албумот бил номиниран за Mercury Prize.
Во јули 2018 година, тапанарот Џо Сиворд бил сериозно повреден откако бил удрен од камион додека возел велосипед во Даблин. Поради несреќата групата ги откажала преостанатите концерти од турнејата до крајот на годината.
На 7 август 2020 година групата го издала албумот Dreamland. Албумот бил автобиографски и бил насочен на лични трауми, носталгија и полн со референци за детството на Бејли и други настани од неговиот живот. Водечкиот сингл, „Heat Waves", станал светски хит, искачувајќи се на врвот на топ-листите во: САД, Обединетото Кралство и Австралија.
Албумот I Love You So F***ing Much бил објавен на 19 јули 2024 година и бил пропратен со мешани критики.
Музички стил Музичкиот стил на Glass Animals се опишува како: инди-рок, психоделичен поп, инди-поп, и електронски рок.
Членови на групата
Дејв Бејли – водечки вокал, гитара, клавијатури, тапани, тамбура, пишување песни Дру Мекфарлан – гитара, клавијатури, придружни вокали Едмунд Ирвин-Сингер – бас-гитара, клавијатури, придружни вокали Џо Сиворд – тапани
Дискографија
Студиски албуми
Zaba (2014) How to Be a Human Being (2016) Dreamland (2020) I Love You So F***ing Much (2024)
Наводи
Надворешни врски
Официјална почетна страница Фејсбук страница Билборд: Стаклените животни избираат музика наместо медицинско училиште Терен: Фронтменот на Glass Animals Дејв Бејли зборува за принцезата на Дизни, 2015 голови пред саботното распродадено шоу на Мидлендс
Категорија:Англиски музички групи Категорија:Музички групи основани во 2012 Категорија:Музички групи од Оксфорд Категорија:Англиски инди-рок групи Категорија:Трип-хоп групи Категорија:Музички групи основани во 2012 година