мини| „Бебисаг“, официјалната вреќа за ѓубре на Базел, Швајцарија мини| Ролна сини ќесичкиСината ќеса — сина, понекогаш полупроѕирна ќеса за отпад, која е задолжителна за употреба на некои локации за отпад или за одредени специфични видови отпад. Бојата служи за препознавање на отпадниот материјал во програмите за рециклирање, при што сината боја обично означува дека ќесата содржи стакло, пластика или полиетилен.
Употреба низ светот
Тајван Во Тајпеј, жителите мора да користат официјална сина ќеса за ѓубре за да го фрлат општиот отпад, а ќесите се собираат од одредени места за собирање.
Обединето Кралство мини| Сина ќеса што се користи за рециклирање картон и хартија, што ја користи Окружниот совет на Саут Хемс, Англија Сините ќеси се користат за разликување на различните видови рециклирачки материјали на местото на собирање. Дозволената содржина се разликува од област до област, во зависност од одлуките на локалниот совет.
САД
Чикаго Градот Чикаго вовел систем на сини ќеси во 1995 година, и ова функционирало така што отпадот можел да биде од хартија (картонски кутии, кутии за подароци, весници итн.), пластика и стакло или отпад од растенија, трева, лисја. За секој од трите вида рециклирачки материјал морало да се користи посебна сина ќеса.
Чикашкиот систем е критикуван, бидејќи сините ќеси чинеле повеќе отколку ќесите за намирници, а овој систем на рециклирање, во споредба со оние што се спроведуваат во други градови и предградија, бара дополнителен напор. Управата за санитација на Чикаго тврдела дека системот „Сина ќеса“ во Чикаго пренасочува приближно 25% од својот отпад во капацитети за рециклирање, што била и нивната првична цел. Сепак, повеќето независни студии проценуваат дека процентот е всушност поблиску до 9% од собраното ѓубре, што резултира со континуирани критики кон програмата.
На 2 мај 2008 година, „Чикаго Сан Тајмс“ објавил дека Чикаго се откажал од програмата, планирајќи да се префрли на рециклирање покрај тротоарите во сини колички до 2011 година.
Други градови Во Вилкс-Баре, Пенсилванија, користеле сини ќеси за собирање ѓубре. Добавувач на градските ќеси изјавил дека трошоците за купување ќеси од страната на потрошувачите го поттикнувале намалувањето на отпадот од депониите. При буџетот за 2018 година била разгледана промена на налепниците, но ќесите биле задржани и им била доделена повисока куповна цена. Кога залихите на ќеси биле ограничени во 2022 година, градот привремено продавал налепници за лепење на обични ќеси за ѓубре.
Наводи
Категорија:Торби Категорија:Управување со отпад