мини|Бојан Кордалов Бојан Кордалов – комуниколог и експерт за застапување и односи со јавност, со потекло од Северна Македонија. Во моментов работи во Брисел каде ја извршува функцијата директор за политики и комуникации во Европскиот центар за извонредност (European Centre of Excellence – ECE Brussels), независен тинк-тенк регистриран во Брисел, Белгија, и впишан во Регистарот за транспарентност на Европската Унија. Центарот работи на теми поврзани со стратешка комуникација, граѓанска ангажираност и добро управување, особено во контекстот на проширувањето на Европската Унија, дигиталната транспарентност и вештачката интелигенција (ВИ) и поддршка и зајакнување на младинската и вклученоста на жените во општествените процеси.
Кордалов е регистриран ЕУ експерт во рамките на EU Funding & Tenders Portal на Европската Комисија и работи како виш експерт за стратешки комуникации, ЕУ видливост, дигитална трансформација и ВИ писменост, со повеќе од две децении професионално искуство во јавни политики, стратешко советување и односи со јавност.
Кариера Кордалов е магистер по комуникации и повеќе од две децении професионално е активен во оваа област. Има изготвено и спроведено повеќе стратегии за комуникација и видливост, промотивни и застапувачки кампањи за јавни институции, граѓански организации, меѓународни тела и приватни компании. Меѓу нив се вбројуваат: Стратешката комуникациска рамка за ЕУ поддршка и Планот за комуникација и видливост на Планот за раст за Западен Балкан и Реформската агенда 2024–2027 на Северна Македонија, Комуникациската стратегија за Пописот 2021, како и регионалната комуникациска стратегија и план за Проектот „Western Balkans Reform and Growth Monitor“. Овие документи претставуваат основа за институционално комуницирање на реформските процеси и европската интеграција во национален и регионален, како и ЕУ контекст.
Во 2024 година беше споменат од страна на Politico Europe како експерт за комуникации и дигитализација во рамки на програмата PADRION.
Во 2009 година, тој и неговиот тим ја претставија првата анализа за ефективна употреба на социјалните мрежи од страна на јавните институции во Северна Македонија , истакнувајќи ги како дигитална алатка за унапредување на транспарентноста и вклученоста на граѓаните. Оваа анализа беше претставена во 2024 година на 12. Меѓународна конференција POINT во Сараево, Босна и Херцеговина.
Кордалов беше прв претседател на Советот за дигитална трансформација за Западен Балкан, основан во рамки на Институтот Хајделберг - Скопје и Институтот за добро управување и евроатлантски перспективи - ИДУЕП (Institute for Good Governance and Euro-Atlantic Perspectives, IDUEP), чиј коосновач е.
Како национален, регионален и експерт на ниво на Европската Унија, има учествувано во бројни програми и проекти финансирани од ЕУ, ОН, САД и ОБСЕ, во соработка со тинк-тенкови и меѓународни консултантски организации. Во 2024 година беше модератор на настанот Bridging the Gap, организиран од Европскиот парламент и Европската комисија, во партнерство со DG NEAR и Регионалниот совет за соработка.
Од ноември 2025 година, Кордалов е член на Експертската работна група на Канцеларијата за вештачка интелигенција на Европската комисија (DG CONNECT), задолжена за изработка на правила за транспарентност за корисниците на генеративни системи за вештачка интелигенција, согласно член 50(4) од ЕУ Актот за вештачка интелигенција (EU AI Act). Во рамки на оваа улога, тој го претставува Европскиот центар за извонредност (ECE Brussels) во развојот на Кодексот на практики за транспарентност на содржини генерирани со вештачка интелигенција.
Од 2005 до 2009 година, работел во Секретаријатот за европски прашања при Владата на Република Македонија, каде бил директно вклучен во процесот на евроинтеграција на земјата.
Јавен ангажман Кордалов е активен учесник во јавниот дискурс на теми поврзани со инклузивни комуникациски процеси, реформи во дигиталното општество, медиумска и дигитална писменост, пристапување кон ЕУ, како и борба против дезинформации, теории на заговор и говор на омраза. Преку својата работа во Институтот за добро управување и евроатлантски перспективи - Скопје , има иницирано бројни јавни дебати со цел намалување на политичката поларизација и поттикнување меѓупартиски дијалог за прашања како што се европските интеграции, образовните реформи, младинската вклученост, дигитализацијата и политиките за вештачка интелигенција.
Во рамки на својот јавен ангажман, Кордалов посветува посебно внимание на вклучувањето на младите и жените во процесите на донесување одлуки, како и на промоцијата на одговорна и етичка употреба на вештачката интелигенција во јавната комуникација и демократијата.
Тој е автор и коавтор на повеќе стручни публикации поврзани со дигитална трансформација, граѓанска едукација, ЕУ политики и стратешка комуникација. Меѓу нив се вбројуваат: „Справување со младинскиот евроскептицизам во земјите од Западен Балкан“ (2025) промовирана во Европскиот Парламент, „Дигитален маркетинг за мали и средни претпријатија“ (2024), изработена за потребите на УНДП; е-курсот на ОБСЕ „Едукација на млади гласачи“ (2022), наменет за поддршка на изборната писменост кај младите; како и „Дигитална трансформација во е-општини“ (2022), изработена во соработка со ИДУЕП и Фондацијата „Фридрих Нуман“.
Во 2025 и 2026 година, Кордалов е автор на неколку концептуални модели за комуникација и кариерен развој, меѓу кои A.I.M. моделот (Analyse - Integrate - Market), H&S моделот (Headline and Soundbite) и 4Q моделот за интервјуа за работа, насочени кон јасна комуникација, професионална видливост и етичка употреба на дигитални алатки.
Кордалов е и сертифициран обучувач со над 500 одржани обуки во последната деценија. Редовно е присутен во електронските, печатените и онлајн медиуми и е познат по своите колумни и стручни анализи во областите во кои работи.
Наводи Регистарот за транспарентност на Европската Унија / EU Transparency Register – ECE Brussels Politico Europe Конференција ПОИНТ / POINT Conference Heidelberg Institute – Совет за дигитална трансформација RCC – Bridging the Gap 2024 World Economic Forum – Media Literacy Project JA Europe – Youth Empowerment and Innovation Event CIVIL Media – Resilient Journalism Publication E-commerce Conference 2022 Собрание на Република Северна Македонија / Assembly of North Macedonia – Erasmus+ Youth Debate Фондација Метаморфозис: Без технологија не можеме, прашањето е како ги користиме социјалните мрежи ARNO Skopje – RISE Project Biography of Bojan Kordalov, MA, Director of Policy and Communication at ECE Brussels — ECE Brussels IDUEP - First Analysis of the effective use of social networks by public institutions and public authorities Youth and EU Accession: New Policy Insights Presented in the European Parliament — ECE Brussels Bojan Kordalov - WETM-IAC How AI changes expectations and behaviour - WETM-IAC Mapping youth as the main target audience in the AI era - WETM-IAC WITCON 2025 - Women in Tech® - Macedonia