Brockhampton ― американска хип-хоп група основана во Сан Маркос, Тексас во 2014 година. Формирана делумно преку онлајн форуми, групата често била позната по својата големина, разновидност и плодна дискографија. Во конечниот состав на групата биле вокалистите Кевин Апстракт, Мет Чемпион, Мерлин Вуд и Дом Мекленон, продуцентите/вокалистите Џоба, Киран „Берфејс“ Мекдоналд и Џабари Манва, продуцентите Ромил Хемнани и Кико Мерли, графичкиот дизајнер Х. К., фотографот Ашлан Греј, веб дизајнерот Роберто Онтениент и менаџерот Џон Нунес.

Основана од де факто лидерот Кевин Апстракт во 2014 година, Brockhampton се состоела од членови на тогашниот интернет музички колектив AliveSinceForever. Нивниот деби микстејп, All-American Trash, бил независно издаден во 2016 година. Откако се преселиле во Лос Анџелес, групата постигнала критички и комерцијален успех со нивните студиски албуми Saturation, Saturation II, Saturation III, кои биле издадени брзо по ред во текот на шест месеци во 2017 година. Следната година, тие потпишале договор со RCA Records, а набргу потоа, основачкиот член Амир Ван бил отстранет од групата по обвинувања за сексуално вознемирување. По повеќекратни одложувања, Iridescence (2018) дебитирал на врвот на Билборд 200 и ѝ донел на групата номинација на Brit Awards. Ginger (2019) и Roadrunner: New Light, New Machine (2021) биле издадени со сличен комерцијален успех, а првиот го продуцирал мулти-платинскиот сингл Sugar. Во 2022 година, групата се распаднала по објавувањето на нивните последни студиски албуми The Family и TM.

Стил Музички стил Brockhampton генерално биле категоризирани како хип-хоп, најдоследно сместен во алтернативниот хип-хоп поджанр. Трилогијата Saturation била позната по својата звучна разновидност, вклучувајќи елементи на поп-рап, хардкор хип-хоп, џи-фанк и инди-рок. Iridescence послужил како диверзификација за групата, избегнувајќи го поп-рапот во корист на индустрискиот хип-хоп, експерименталниот хип-хоп и прогресивниот рап, инспириран од британскиот рап и грајм. Ginger, албумот кој се смета за најмекиот проект на бендот, бил изграден околу поп-рап и алтернативен R&B, додека Technical Difficulties Radio го прифатил хип-хопот од Западниот брег и бил првиот проект на групата што во голема мера користел семплирање. Roadrunner: New Light, New Machine го продолжи трендот на семплирање, вклучувајќи рап-рок, современ R&B и свесен хип-хоп во нивниот вообичаен поп-рап звук. The Family, освен што содржи исклучиво главни вокали од Абстракт, дополнително се оддалечи од нивниот вообичаен звук како албум со семплови од чипмунк соул, јужен хип-хоп и хип-хоп без тапани, додека албумот TM', нивното последно издание, вклучува трап и денс-поп.

Имиџ Имиџот на групата била главно дефинирана според нивната големина, разновидност и отпорот кон традиционалното етикетирање. Пит Тосиело од „Пичфорк" објаснил дека групата го има „шармот на „Breakfast Club“ (Клуб за појадок), ова поради разновидноста на членовите на групата, според Мајкл Крег од „Гардијан“. За разлика од традиционалните хип-хоп групи како Wu-Tang Clan и N.W.A, Brockhampton не само што имале рапери, туку и пејачи, продуценти, фотографи, графички дизајнери, менаџери, па дури и веб-развивачи во своите редови. Разновидната постава на групата била опишана од Мајкл Вуд од „Лос Анџелес Тајмс“ како „тим од соништата на Генерација З“.

Членови

Конечен состав Кевин Апстракт – вокал, продукција, видео режија, креативна режија (2014–2022) Мет Чемпион – вокал (2014–2022), продукција (2022) Дом Мекленон – вокал, продукција (2014–2022) Мерлин Вуд – вокал (2014–2022) Џоба – вокал, продукција, микс, мастеринг, пијано (2014–2022) Берфејс/Киаран Мекдоналд - вокал, гитара, продукција (2014–2022) Џабари Манва – продукција (2014–2022), вокал (2020–2022) Ромил Хемнани – продукција, инженерство за снимање, диџеј (2014–2022) Кико Мерли – продукција (2014–2022) Х. К. – креативен директор, графички дизајн (2014–2022) Роберто Онтениент – продукција, веб дизајн, програмер за апликации (2014−2022), скеч вокали (2017, 2021) Џон Нунес – менаџмент (2014–2022) Ашлан Греј – фотографија, видеографија, вебмастер (2016–2022)

Поранешни членови Амир Ван - вокал (2014–2018) Родни Тенор - вокал (2014–2016) Алберт Гордон - продукција (2014–2016)

Дискографија Студиски албуми''' Saturation (2017) Saturation II (2017) Saturation III (2017) Iridescence (2018) Ginger (2019) Roadrunner: New Light, New Machine'' (2021) The Family (2022) TM (2022)

Турнеи Главни турнеи Jennifer's Tour (2017) Love Your Parents Tour (2018) Stereo Spirit Tour (2018) I'll Be There Tour (2018) Heaven Belongs to You Tour (2019) Here Right Now Tour (2022) (откажана)

Наводи

Надворешни врски

Категорија:Хип-хоп групи Категорија:Музички групи основани во 2014 година