Labeobarbus somereni — вид на зракоперка од фамилијата Cyprinidae. Ја има во Бурунди, Руанда, Танзанија и Уганда. Нејзиното природно живеалиште се реките. Меѓународниот сојуз за заштита на природата не го смета за загрозен вид.
За првпат во 1911 година овој вид бил опишан од Џорџ Алберт Буленже. Неговиот холотип е фатен од Виктор Ван Сомерен, а неговата типска локација е опишана како: „реката Себве, поток со снежна вода на планината Рувензори, во Уганда, на надморска височина од 1.800 метри. Холотипот е во Природонаучниот музеј во Лондон. Првично бил сместен во родот Barbus, но сега е класифициран како вид Labeobarbus. Можеби ќе може да се хибридизира со L. ruwenzorii, и можеби е постар синоним на L. mirabilis.
Забележан е на големи надморски височини во изворите на реки, вклучувајќи ги Викторија, Тангањика, реката Кагера и реката Малагараси во Танзанија. Забележан е во сливот Рузизи и во Горната и Средната Кагера, од двете страни на водопадите Русумо во Руанда. Меѓународниот сојуз за заштита на природата ја назначил рибата L. somereni за незагрозен вид, затоа што е „релативно распространета“, иако е можно да биде изложена на ризик од разни локални закани, како зголеменото земјоделство. Рибата е сештојад, иако првенствено тревопасна, и се храни со водни растенија и филаментозни алги.
Категорија:Крапови Категорија:Незагрозени видови според МСЗП