десно|мини|250x250пкс|Раскошен кинески свилен вез, околу 1875–1900 година, династијата Ќинг Кинескиот вез се однесува на вез создаден од која било од културите лоцирани во областа што ја сочинува модерна Кина. Тоа е еден од најстарите постоечки везови. Четирите главни регионални стилови на кинески вез се вез од Суџоу (Су Сјиу), вез од Хунан (Сјанг Сјиу), вез од Гуангдонг (Јуе Сјиу) и вез од Сечуан (Шу Сјиу). Сите тие се номинирани како кинеско нематеријално културно наследство.

Историја Кинескиот вез има многувековна традиција која датира уште од неолитското време. Благодарение на висококвалитетните свилени влакна, најголемиот дел од рафинираните кинески везови се изработени токму од свила. Археолошки откритија покажуваат траги од производство на свила на различни неолитски локалитети стари 5.000–6.000 години. Најраниот познат примерок на вистински свилен вез досега откриен во Кина потекнува од гробница во Машан, во провинцијата Хубеи, и е датиран во периодот Жангуо (5–3 век п.н.е.). По отворањето на Патот на свилата за време на династијата Хан, производството и трговијата со свила цветале. Во 14 век, кинеското производство на свилен вез го достигнало својот врв. Развиени се неколку главни стилови на свилен брокат, како што се Сонгџин во Суџоу, Јунџин во Нанџинг и Шуџин во Сечуан.

Денес, поголемиот дел од рачната изработка е заменет со машинерија, но некои многу софистицирани производи сè уште се изработуваат рачно. Современиот кинески вез од свила е сè уште вообичаен во јужна Кина.

Силови

Главни стилови десно|мини|250x250пкс|Екран со вез од Суџоу.

Су Сју (苏绣) – Везот во Суџоу се изработува во областите околу Суџоу, покраината Џјиангсу, со историја што датира од пред 2000 години. Познат е по своите прекрасни шари, елегантни бои, разновидност на бодови и беспрекорна изработка. Неговиот вез е педантно вешт, а боите се суптилни и рафинирани. Уметниците од Суџоу се во можност да користат повеќе од 40 видови везови и 1000 различни видови конци за да изработат вез, обично со теми од природата и животната средина, како што се цвеќиња, птици, животни, па дури и градини на парче ткаенина. Ретка подгрупа е двостраниот вез Су кој бара врвна вештина и уметност. Предниот и задниот дел од делото може да имаат различни дизајни, но краевите не се заврзани, туку се вткаени, така што задниот дел не може да се разликува. Сјанг Сју (湘绣) – Везот во Хунан потекнува од областите околу Чангша, покраината Хунан. Се одликува со својата елегантна црна, бела и сива боја. Акцентот е ставен на контрастите на светлината и сенката што ја истакнуваат текстурата на шарите за да дадат тридимензионален ефект. Везот во Сјанг комбинира празнина и цврста слика, користејќи празен простор на ист начин како сликите со кинеско мастило. Јуе Сју/Гуанг Сју (粤绣/广绣) – Везот од Гуангдонг се изработува во Чаоџоу, покраината Гуангдонг. Составен е од сложени, но симетрични шари, живописни бои, разновидни бодови и дефинирано ткаење. Употребата на основни бои, светлина и сенка потсетува на западните слики. Шу Сју (蜀绣) – Сечуанскиот вез потекнува од областите околу Ченгду, покраината Сечуан. Тој е меѓу најстарите познати стилови на вез во историјата на кинескиот вез. Неговите суровини се сатен и обоена свила, а неговата изработка е макотрпна и рафинирана. Акцентот е на рамномерното шиење, нежната боја и локалниот вкус. Сечуанскиот вез се користи за украсување навлаки за јоргани, навлаки за перници, облека, чевли и насликани паравани.

Други стилови мини|Создавањето на везот Гу.

Гу Сју (顾绣) – Везот Гу е повеќе семеен отколку локален стил, кој потекнува од семејството Гу Мингши за време на династијата Минг во Шангај. Везот Гу е наречен и вез Лу Сјанг Јуан по местото каде што живеело семејството Гу. Везот Гу е различен од другите стилови бидејќи се специјализирал во сликарството и калиграфијата. Изумителот на везот Гу била конкубина на првиот син на Гу Мингши, Гу Хуихаи. Подоцна, Хан Сјименг, сопругата на вториот внук на Гу Мингши, ја развила вештината и била позната како „Светица на игли“ (针圣). Некои од нејзините ремек-дела се чуваат во Забранетиот град. Денес везот Гу е посебен локален производ во Шангај.

Етнички стилови Други кинески етнички групи, како што се Баи, Мјао, Џуанци и Тибетците, исто така, имаат свој стил на вез, кој обично прикажува митска или религиозна тема.

Вообичаени форми на шевови

Пекиншки јазол – јазолен бод кој потекнува од Кина Сатенски бод – вообичаена форма на бод што се користи во кинескиот вез

Поврзано

Свиларски занает Музеј на свила во Суџоу Кинеска украсна златна свила Кинески орнаменти во текстил и облека

Наводи

Категорија:Кинески ракотворби