Куќа на мртвите () — акционен филм на ужасите на режисерот Уве Бол, снимен според истоимената видеоигра од 1997 г. Премиерата на филмот се одржала на 15 февруари 2003 г. Филмот во Македонија бил прикажан на телевизија.

Содржина Откако резервираат патување со брод за да присуствуваат на забава на Островот на Смртта во близина на брегот на Сиетл, двајца студенти, Сајмон и Грег, се среќаваат со три девојки: Алиша, Карма и Синтија. Карма е вљубена во Сајмон, Сајмон е вљубен во Алиша, а Синтија е девојка на Грег. Кога петорката пристигнува на пристаништето, откриваат дека задоцниле и дека бродот што требало да ги однесе до островот веќе заминал. Човек по име Виктор Кирк и неговиот помошник Салиш им нудат превоз. Додека заминуваат, полицајката Џордан Каспер се обидува да ги спречи, знаејќи го минатото на Кирк како шверцер, но не успева во тоа.

Пристигнувајќи на островот, откриваат дека местото каде што требало да биде забавата е демолирано и пусто. Алиша, Карма и Сајмон тргнуваат да бараат некого, додека Синтија и Грег остануваат назад. Додека Грег оди до тоалет, Синтија е убиена од група зомбија. Во меѓувреме, Алиша, Карма и Сајмон наоѓаат напуштена куќа и при истражувањето ги среќаваат Руди, Либерти и Хју, кои ги известуваат за нападот на зомбијата. Алиша и Руди некогаш биле во врска, а Либерти била танчарка на забавата. Шестемина ја напуштаат куќата за да ги земат Грег и Синтија. Во меѓувреме, суштествата го убиваат Салиш.

Групата се враќа на местото на забавата и го наоѓа Грег. Веќе заразената Синтија излегува од зад едно дрво и го убива Хју, но се појавува Каспер и ја погубува. Тие кројат план да се вратат на бродот на Кирк и да го напуштат островот. Меѓутоа, на плажата наоѓаат само орда зомбија на бродот. Каспер и Грег се одвојуваат од групата за да побараат помош, но Грег загинува во шумата.

Кирк ја открива мрачната историја на островот: тука живеел шпански католички свештеник по име Кастиљо Сермано, кој бил протеран од Шпанија во XV век поради неговите мрачни експерименти со кои ја прекршил забраната на Католичката црква. Кастиљо го убил екипажот на бродот „Свети Кристобал“, ги поробил месните жители и ги убивал сите посетители. Потоа создал серум за бесмртност што си го вбризгал себеси пред да го создаде првото зомби. Кирк ја води групата до скриен сандак полн со оружје. Штом сите се вооружуваат, решаваат да се вратат во куќата, но таму се соочуваат со армија суштества. Либерти и Каспер загинуваат во битката, а Алиша, Руди, Кирк, Карма и Сајмон успеваат да најдат засолниште внатре.

Откако Кирк останува сам, слуша свиреж надвор. Излегува и го гледа Салиш како заразен. Кирк се жртвува убивајќи го Салиш со динамит, но избувнувањето го уништува и влезот на куќата. Преостанатите четворица се заклучуваат во лабораторијата, но суштествата провалуваат внатре. Карма наоѓа таен отвор во подот преку кој таа, Алиша и Руди бегаат. Сајмон се жртвува за да ги сопре суштествата, пукајќи во буре со барут, при што ја разнесува куќата. Тројцата преживеани се наоѓаат во подземни тунели, но Карма е убиена додека се обидува да ги задржи напаѓачите за да им овозможи на Руди и Алиша да побегнат.

На излезот од тунелите им помага таинствен човек што ја носи кожата од лицето на Грег како маска — тоа е Кастиљо Сермано. Алиша и Руди бегаат, разнесувајќи ги тунелите зад себе. Кастиљо преживува, па Алиша се бори со него со мечеви. Тој ја прободува во срцето, но Руди успева да му ја отсече главата. Иако мислат дека е крај, безглавото тело на Кастиљо почнува да го дави Руди. На смртна постела, Алиша станува и му ја гмече главата на Кастиљо со нога, конечно убивајќи го. Иако изгледа дека Алиша умира, неа и Руди ги спасува група агенти. На прашањето за неговото име, Руди одговара — Кириен. Крајот открива дека Руди ѝ го дал серумот за бесмртност на Алиша, поради што таа останува жива. Двајцата преживеани се враќаат дома.

Улоги

| Џонатан Чери || Руди Кириен |- | Она Грауер || Алиша Вилсон |- | Дејвид Палфи || Кастиљо Сермано (зомби) |- | Тајрон Лејтсо || Сајмон Круз |- | Јирген Прохнов || капетан Виктор Кирк |- | Ели Корнел || полицајката Џордан Каспер |- | Енука Окума || Карма |- | Вил Сандерсон || Грег |- | Клинт Хауард || Салиш (помошник на капетанот) |- | Мајкл Еклунд || Хју |- | Кира Клавел || Либерти |- | Соња Салома || Синтија |- | Ерика Паркер || Џоана |- | Стив Бајерс || Мет |- | Адам Харингтон || Томас Роган (агент на AMS) |- | Колин Лоренс || Џи (агент на AMS)

Наводи

Надворешни врски

Mатична страница

Категорија:Филмови од 2003 година Категорија:Американски филмови Категорија:Филмови на англиски јазик Категорија:Американски филмови за зомбија Категорија:Американски хорор-филмови Категорија:Филмови на Lions Gate Entertainment Категорија:Американски акциони филмови __СОСОДРЖИНА__ __ИНДЕКС__