Ичкова Куќа — споменик на културата во Србија. Претставува културно богатство кое е од големо значење за Белград и се наоѓа во Земун на улица Бежанијска бр. 18.
Опис Ичкова Куќа во Земун е изградена во 1793 година. Се состои од подрум, приземје и делумен спрат формиран со висок мансарден покрив. Дизајнирана е во стил на класицизам. Од двотрактен е тип и со двојна намена. Во приземјето била кафеаната „Краљевиќ Марко“, додека првиот спрат се користел за домување. Со текот на времето, била преуредувана. Целосна реконструкција и ревитализација била извршена во осумдесетите години од минатиот век. Ги има сите карактеристики на репрезентативна градска куќа од крајот на XVIII век. Позната е како Ичкова Куќа бидејќи во неа престојувал востанички дипломат и трговец Петар Ичко, кој по воведување на дахијска управа, морал да се пресели од Белград во пограничниот град Земун. Улогата на Ичко била важна за подготовката на Првото српско востание во 1804 година. Петар Ичко бил трговски конзул и посредник помеѓу земунски, солунски и други трговци. Во Земун престојувал од 1802 до 1803 година. Зградата претставува една од најстарите зачувани куќи и сведоштво за урбаниот развој на Стариот град Земун.
Галерија
Поврзано Петар Ичко Првото српско востание
Надворешни врски Ичкова Куќа Градски план - Долен град Земун
Категорија:Прво српско востание