мини|Чарлс Рајт во 1998 година. Чарлс Рајт (англиски: Charles Wright; 25 август 1935) — американски поет и универзитетски професор.
Животопис Чарлс Рајт е роден во Пиквик Дем, во Бруклин, Тенеси. Учел на колеџот Дејвидсон и на Универзитетот во Ајова, а како добитник на Фулбрајтовата стипендија поминал една година на Универзитетот во Рим. По завршувањето на студиите, предавал во Италија, во Ајова, како и на универзитетите Принстон, Колумбија и Универзитетот во Вирџинија во Шарлотсвил, каде предавал англиска книжевност.Petar Penda (izbor i prevod), Eight contemporary American poets – Osam savremenih američkih pjesnika (drugo izdanje). Zadužbina “Petar Kočić”, Banja Luka i Beograd, 2009, стр. 89.
Творештво Рајт е добитник на повеќе награди за поезија и за превод, меѓу кои поважни се Пулицеровата награда (во 1998 година за книгата „Црн зодијак“) и Националната книжевна награда (во 1983 година за книгата „Кантри музика: Избрани рани песни“). Од 2014 до 2015 година бил 20-тиот Поетски лауреат на САД.
Слично на Езра Паунд (чија поезија го привлекла додека бил војник во Италија), во својата поезија Рајт става нагласок врз поетската слика и често се повикува на старите кинески поети (на пример, Ли Хо), како и на Данте Алигиери. Неговите најважни дела се:Petar Penda (izbor i prevod), Eight contemporary American poets – Osam savremenih američkih pjesnika (drugo izdanje). Zadužbina “Petar Kočić”, Banja Luka i Beograd, 2009, стр. 89. Гробот на десната рака (The grave of the right hand, 1970) Венецијанската тетратка (The Venice notebook, 1971) Тежок товар (Hard freight, 1973) Крвни линии (Bloodlines, 1975) Кинеска трага (China trace, 1977) Јужниот крст (The Southern cross, 1981) Кантри музика: Избрани рани песни (Country music: Selected early poems, 1982) Другата страна на реката (The other side of the river, 1984) Зонска лузна (Zone scar, 1988) Светот на десет илјади нешта: Песни 1980-1990 (The world of the ten thousand things: Poems 1980-1990, 1990) Ксионија (Xionia, 1990) Чикамауга (Chikamauga, 1995) Црн зодијак (Black zodiac, 1997) Апалачија (Appalachia, 1999) Негативно синило: Избрнаи подоцнежни песни (Negative blue: Selected later poems, 2000) Куса историја на сенката (A short history of the shadow, 2002) Бизонска јога (Buffalo yoga, 2004) Погрешната страна на виножитото (The wrong end of the rainbow, 2005) Ткиво на лузната (Scar tissue, 2006)
Критиката често го смета Рајт како дел од визионерската група поети во САД, меѓутоа него го привлекува и конкретниот свет при што во неговите песни метафизичкото се реализира низ сликите на физичкото. Покрај импресивната дескриптивна моќ, Рајт е познат и по наративниот квалитет на песните кои ја претставуваат неговата духовна автобиографија која е полна со дисконтинуитети и хумор, а на некои места ги користи и елементите од американскиот народен говор. Како метафизичките поети од 17 век, Рајт ги поврзува навидум независните слики, но претопувањето на спротивностите во неговата поезија е ново и забавно. Тој често се движи неочекувано од еден до друг стих, а стиховите изгледаат неповрзано, но оваа неповрзаност, заедно со празнините внатре во стихот укажува на нешто неискажливо, на просторот меѓу „нешто и ништо“.Petar Penda, „Predgovor“, во: Petar Penda (izbor i prevod), Eight contemporary American poets – Osam savremenih američkih pjesnika (drugo izdanje). Zadužbina “Petar Kočić”, Banja Luka i Beograd, 2009, стр. 23.
Наводи
Категорија:Американски поети Категорија:Родени во 1935 година Категорија:Добитници на Пулицеровата награда