Де Севр — француски департман. Де Севр буквално значи „Два Севра“: Севр Нантез и Севр Ниортез се две реки чии извори се во департманот. Во 2023 година имал 375.229 жители.
Во историјата и книжевноста Де Севр бил еден од 83-те првични департмани создадени за време на Француската револуција на 4 март 1790 година. Областа била дел од древната покраина Поату.
Границите на департманите биле променети во 1973 година, кога жителите на малата општина Пуи-Сен-Боне формално се поврзале со брзорастечката соседна општина Шоле, која се наоѓа во соседниот департман Мен и Лоара. За да се спречи администрирањето на придружните комуни во посебни департмани, Пуи-Сен-Боне бил префрлен во Мен и Лоара.
Дe Севр се појавува во „Неговата Екселенција Ежен Ругон“, роман од Емил Зола во неговата серија Ругон-Макарови, кога Ругон го посетува Ниор, главниот град на департманот, за да отвори нова железничка линија до Анже (глава 10).
Географија и економија Климата е блага, со просечна годишна температура од 11 степени Целзиусови.
Департманот останува рурален: три четвртини од површината се обработливо земјиште. Пченицата и овесот се главните производи што се одгледуваат, како и компирите, јаболката и оревите. Ниор е центар за одгледување зеленчук и ангелика. Малку цвекло се одгледува во округот Мел. Лозјата се бројни на север, а во помала мера и на југ.
Департманот е исто така добро познат по одгледување говеда, маски и коњи. Расата говеда Партене е именувана по градот Партене на север од департманот. Исто така, млечните производи се произведуваат во значителни количини (путер во Ешире и козјо сирење).
Некои каменоломи се во функција (во Mazières-en-Gâtine, La Peyratte или Saint-Varent ), како и вадење на вар.
Текстилот, штавењето кожа и мелењето брашно биле традиционални индустрии во Ниор, главниот и најголем град. Денес, Ниор, со 60.000 жители, е важно трговско и управно средиште. Тој е еден од главните финансиски средишта во Франција (четврт по ранг по Париз, Лион и Лил). Ниор е национално седиште на некои од главните осигурителни компании во Франција, како и регионални седишта. Исто така тука се наоѓаат регионалните седишта на неколку национални банки, вклучувајќи ги Банк попилер (Banque Populaire) и Креди агрикол (Crédit Agricole). Секторот за услуги е исто така силно застапен во Ниор, во консалтинг, сметководство, брокерство и софтвер. Главни индустрии се хемиската, фармацевтската и воздухопловната..
Главни индустрии вон главниот град се текстилната, чевларската, мебелот, машинската, автомобилската индустрија (Елиез и Ирисбус), хемиската ( Родија ин Меле), прехранбената индустрија и пакувањето храна.
Стапката на невработеност во департманот е многу ниска (помала од 5%), особено на северозапад, каде што многу мали и средни претпријатија брзо се развиваат.
Југозападниот дел од департманот привлекува туристи со природната област Маре Поатевен. Атлантскиот брег е во близина.
Наводи
Категорија:Држави и територии настанати во 1790 година Категорија:2 (број) Категорија:Департмани во Нова Аквитанија Категорија:Де Севр Категорија:Статии со извори на француски (fr) Категорија:Координати на Википодатоците