Џонатан Даниел Хам (; р. 10 март 1971 г.) — американски глумец, најпознат по улогата на Дон Дрејпер во телевизиската серија „Момците од Медисон“.
Животопис Џон Хам е роден во Сент Луис, Мисури, во семејството на Дебора и Даниел Хам, кои имале семејна компанија за транспорт. Неговите родители се развеле кога тој имал две години, по што останал да живее со мајка си во Крив Кер, Мисури. Кога имал осум години, на мајка му ѝ била дијагностицирана терминална фаза на рак. Хам се преселил кај татко си, но по неколку години и тој се разболел и починал. Во тој момент, Хам имал 20 години.
Хам посетувал приватно училиште во Ладју, Мисури, каде бил член на фудбалската и бејзболска екипа. Својата прва улога, онаа на Вини Пу, ја имал во прво одделение, а на 16 години го играл Јуда во претставата „Евангелие“. По завршувањето на училиштето во 1989 г., се запишал на Тексашкиот универзитет, но ја напуштил студијата по смртта на татко му. Подоцна се вратил дома и студирал на Универзитетот во Мисури.
Во 1995 г. се преселил во Лос Анџелес за да ја продолжи својата глумечка кариера. Во 2000 г. ја добил улогата на романтичниот пожарникар во серијата „Провиденс“. Неговото деби на филмското платно било во филмот „Вселенски каубојци“ со Клинт Иствуд. Во 2007 г. бил избран меѓу 80 кандидати за улогата на главниот лик Дон Дрејпер во серијата „Момците од Медисон“.
Личен живот Од 1997 г., Хам бил во врска со глумицата и сценаристка Џенифер Вестфелд; двојката се разделила во 2015 г. За потребите на улогата на Дон Дрејпер, глумецот користел билни цигари што не содржат никотин.
Филмографија
Кино Година Македонски наслов Изворен наслов Улога 2000 Вселенски каубојци Space Cowboys млад пилот 2001 Да ја бакнеш Џесика Стајн Kissing Jessica Stein Чарлс 2002 Бевме војници We Were Soldiers капетан Мет Дилон 2006 Ајра и Еби Ira & Abby Рони 2007 Десетте заповеди The Ten Крис 2008 Денот кога Земјата стоеше мирно The Day the Earth Stood Still д-р Мајкл Гранје 2009 Осамен маж A Single Man Хенк Акерли 2010 Град на крадците The Town Адам Фроули 2011 Неочекуван удар Sucker Punch д-р / мајор 2014 Рака од милион долари Million Dollar Arm Џеј Би Бернстајн 2015 Мињони Minions Херб Оверкил (глас) 2017 Возач Baby Driver Бади 2018 Тешки времиња во Ел Ројал Bad Times at the El Royale Двајт Броудбек 2022 Топ ган: Маверик Top Gun: Maverick вицеадмирал Циклон 2024 Трансформери: Почеток Transformers One Сентинел Прајм (глас)2026СкокачиHoppersградоначалникот Џери
Телевизија Година Македонски наслов Изворен наслов Улога 2000 — 2001 Провиденс Providence Берт Ридли 2002 — 2004 — The Division инспектор Нејт Басо 2007 — 2015 Момците од Медисон Mad Men Дон Дрејпер 2009 — 2012 — 30 Rock д-р Дру Берд 2012 — 2013 — A Young Doctor’s Notebook Владимир Бомгард 2014 Црно огледало Black Mirror Мет Трент 2019 — Good Omens архангел Гаврил 2023 — 2024 Фарго Fargo Рој Тилман2025Твоите пријатели и соседиYour Friends & NeighborsЕндру Купер
Наводи
Надворешни врски
Категорија:Американски глумци Категорија:Родени во 1971 година Категорија:Живи луѓе Категорија:Добитници на Златен глобус