Бомбардирањето на иранскиот Меџлис од 1908 година () — бомбардирање кое случило на 23 јуни 1908 година во Техеран, за време на Иранската уставна револуција, кога персиските козачки сили, под команда на Владимир Љахов и други руски офицери, го бомбардирале и потиснале иранскиот парламент, наречен Меџлисот. мини|Голем број конституционалисти биле уапсени во Шаховските градини.
Историја Мохамед Али Шах Каџар, кој се искачил на престолот на 3 јануари 1907 година, се спротивставил на уставот од 1906 година, кој бил ратификуван за време на владеењето на неговиот татко, Мозафар ад-Дин Шах Каџар. p. 285-286 По неговото доаѓање на престолот, англо-руската конвенција во август 1907 година го поделила Иран на руска сфера на влијание на север, британска сфера на влијание на југ и неутрална зона во центарот. Британците ги напуштиле конституционалистите во корист на шахот. Шахот подоцна се обидел да ги покори и елиминира Меџлисот со воена и политичка поддршка од Русија и Велика Британија. десно|мини|Парламентот на Иран, 1906 година За време на уставната револуција, шахот се ограничил во својата резиденција во тврдината Баг-е Шах во западниот дел на Техеран. Тој побарал помош од Козачката бригада за да ја контролира револуцијата, оставајќи го градот Техеран на нивна милост. Лојалноста на Козачката бригада била целосно загарантирана, не само со претходната чистка спроведена од командантот Владимир Љахов, туку и со распределбата на шахот на посебен бонус во 1908 година.
Љахов ги предводел силите во гранатирањето на Меџлисот и егзекуцијата на неколку водачи на Уставното движење на 23 јуни 1908 година. Неговите сили потоа го ограбиле парламентот и ја оштетиле зградата. Овој настан довел до почеток на период познат како „Мала тиранија“. Љахов подоцна бил назначен за воен гувернер на Техеран од страна на шахот, трансформирајќи го градот во воен гарнизон.
Во јули 1909 година, силите кои го поддржувале уставниот поредок тргнале од ирански Азербејџан кон Техеран. По нивното пристигнување успеале да го преземат главниот град, да го симнат шахот од власта и на престолот да го постават неговиот син, Ахмад Шах Каџар, со што повторно бил воспоставен уставниот систем. Полковникот Љахов и Персиската козачка бригада останале лојални на шахот сè до неговата абдикација и бегството во Русија во јули 1909 година. По заминувањето на шахот, Љахов и неговите сили се предале. Уставните водачи го помилувале Љахов, најверојатно за да избегнат можна руска интервенција, по што тој бил испратен назад во Санкт Петербург. Набргу потоа бил повторно ангажиран во воена служба и учествувал во кавкаската кампања за време на Првата светска војна.
Галерија
Поврзано
Техерански триумф
Наводо
Категорија:Судири во 1908 година Категорија:Историја на човековите права