Музејот на Порше — автомобилски музеј во округот Цуфенхаузен во градот Штутгарт, Германија, во сопственост на производителот на автомобили Порше. Се рангира на второ место меѓу најпосетуваните музеи во Штутгарт, веднаш зад музејот на Мерцедес-Бенц. Во 2015 година, овој музеј привлекол приближно 450.000 посетители.
Историја Оригиналниот музеј на Порше бил отворен во 1976 година на спореден пат во близина на фабриката на Порше. Тоа бил релативно мал музеј со малку паркинг простор и бил доволно голем за да собере само околу 20 експонати (во ротација).
Порше го изградил музејот како еден вид „подвижен музеј“ со ротирачки експонати од залиха од 300 реставрирани автомобили, многу од нив во беспрекорна состојба и сè уште во целосна состојба за возење. Првично, се дискутирало дека новиот музеј ќе биде изграден покрај новиот музеј на Мерцедес-Бенц на поранешниот саемски простор во областа Килесберг во Штутгарт. Откако новиот музеј на Мерцедес-Бенц бил отворен во источниот дел на Штутгарт во 2006 година, Порше продолжил со плановите за надградба и проширување на својот музеј во северниот округ Цуфенхаузен, веднаш до седиштето на компанијата. Првично, трошоците биле утврдени на 60 милиони евра, но неколку дена пред официјалната церемонија на отворање на 29 јануари 2009 година, било потврдено дека реалните трошоци достигнале до 100 милиони евра.
Работата на концептот за новиот музеј на Порше започнала во 2003 година. Бил изработен концептуален план во кој биле утврдени релевантните теми и експонати, како и начинот на нивното претставување, а била осмислена и постојаната изложба.
Новиот музеј Новиот музеј на Порше се наоѓа на впечатлива раскрсница веднаш пред седиштето на Порше во Цуфенхаузен. Изложбениот простор се простира на 5.600 квадратни метри, на кој се претставени над 80 експонати, многу ретки автомобили и разновидни историски модели.
Музејот е дизајниран од страна на архитектите „Делуган Мајсл Асошиејтед Архитектс“. Изложбените простори бил дизајнирани од Х. Г. Мерц, кој исто така бил вклучен во изградбата на наградуваниот Музеј на Мерцедес-Бенц.
На 17 октомври 2005 година официјално започнала изградбата на музејот. На 8 декември 2008 година, музејот бил предаден на нарачателот, а официјално бил отворен еден месец подоцна, на 28 јануари 2009 година. За посетители бил отворен на 31 јануари 2009 година.
Резултатот е изложбен простор во кој главниот акцент е ставен на изложените возила. Сите придружни архитектонски, медиумски и типографски елементи се дизајнирани да бидат ненаметливи и да ги надополнуваат автомобилите.
Изграба Зградата зафаќа вкупна корисна површина од 21.000 квадратни метри и се протега на четири нивоа, од кои две се под земја. Нејзината конструкција била изведена од армиран бетон, со вградени 3.400 тони армирачки челик, и е проектирана како водонепропустлив „бел резервоар“ со рамни плочи. Темелењето е изведено со 115 дупчени шипови со пречник од 1,2 метри и длабочина до 25 метри.
Над подземните простории се издигнуваат само три главни јадра: едно вертикално јадро во кое се сместени лифтовите и две јадра потпрени врз столбови во облик на буквата Y. Врз овие три потпорни точки лежи изложбениот дел, познат како „Флигер“, со тежина од околу 35.000 тони. Тој е изведен како мостовска конструкција, издигнат на максимална висина од 16 метри над земјата. Оваа конструкција е долга до 150 метри и содржи челична рамка со тежина од 5.500 тони. Помеѓу главните јадра, распонот достигнува до 60 метри, додека конзолните делови се протегаат до 45 метри во воздухот..
Гастрономија Музејот на Порше располага со три угостителски простории: ресторанот за посетители „Боксенстоп“, кафе-бар и ресторанот „Кристофор“ кој се наоѓа во горниот дел од зградата. Кристофор е дизајниран во стилот на стар американски ресторан и располага со винска визба, како и придружен салон за пури. Гастрономските услуги се управувани интерно од компанијата.
Поврзано
Музеј на Мерцедес-Бенц
Наводи
Литература
Официјални информации од компанијата Порше за новиот музеј
Надворешни врски
Официјална веб-страница
Автомузејот на Порше во Гмунд Музејот Циситалија Музејот на Порше на мрежата за дизајнирање и градење Виртуелна тура низ галеријата на Google „Њујорк тајмс“: Обиколка на храмовите на германското автомобилско производство – вклучува опис на посетата на музејот Porsche Newsroom - официјални соопштенија за медиумите
Категорија:Автомобилски музеи во Германија Категорија:Краток опис различен од Википодатоците Категорија:Статии со краток опис Категорија:Страници со непрегледан превод