Beaucoup Fish е албум на Underworld од 1999 година. Грубо преведено, името на албумот значи „Многу риби“. Ова е нивното најфорсирано издание, а спотот за „Push Upstairs“ бил редовно пуштан на MTV и MTV2. Ова се должи на огромниот успех на нивниот сингл „Born Slippy“ од саундтракот за „Trainspotting“. „Push Upstairs“ и вториот сингл, „Jumbo“, биле хитови на денс листите и во дискотеките. Албумот исто така е добро прифатен и од критичарите и останува најдобро продаваниот албум на Underworld.
Првичниот наслов на албумот бил „Tonight Matthew, I'm Going to be Underworld“, позната фраза од британската ТВ програма „Stars in Their Eyes“, но подоцна бил променет бидејќи оваа фраза не би ја разбрале купувачите надвор од Британија.
Звук Албумот во најголем дел е тежок транс, со брзо темпо, и затоа многу погоден за играње. Главните инструменти се синтисајзери, драм-машини и поезија пеена или рецитирана во позадина.
Песни Сите песни се од Дарен Емерсон, Карл Хајд и Рик Смит, освен ако нема забелешка. „Cups“ – 11:45 „Push Upstairs“ – 4:34 „Jumbo“ – 6:57 „Shudder / King of Snake“ (Underworld/Белот/Мородер/Самер) – 9:30 „Winjer“ – 4:30 „Skym“ – 4:07 „Bruce Lee“ – 4:43 „Kittens“ – 7:30 „Push Downstairs“ – 6:03 „Something Like a Mama“ – 6:37 „Moaner“ – 7:38
Наводи
Категорија:Албуми на Underworld Категорија:Албуми од 1999