Слеер (англиски: Slayer, преведно - Убиец) беше американски треш метал бенд од Хантингтон Парк, Калифорнија, САД формиран во 1981 година од страна на гитаристите Кери Кинг и Џеф Ханеман, тапанарот Дејв Ломбардо и басистот и пеачот Том Араја. Слеер се сметаат за едни од "Големата Четворка" на треш метал заедно со Металика, Мегадет и Антракс. Нивниот трети студиски албум Reign in Blood се смета за еден од најзначајните треш албуми и имал големо влијание врз другите жанрови на екстремен метал, особено дет-метал.
Во текот на нивната кариера, Слеер имаа издадено 12 студиски албуми, 4 албуми во живо, 3 мини албуми, 1 албум, 14 музички видеа и албум со најдобрите хитови. Бендот има продадено околу 20 милиони примероци на светско ниво и околу 5 милиони примероци во САД.
Песните на Слеер се препознатливи по нивната агресивност, жестина и бруталност. Музиката е во екстремно брзо темпо (многу често над 200 удари во минута), додека текстовите најчесто обработуваат теми како сериски убиства, геноциди, тероризам, фашизам, некрофилија, анти-религија и војна поради што нивните албуми се забранети во многу држави и често добиваат критики од религиозни групи.
Применуваат уникатни начини на свирење како тремоло трзање и пригужување на гитарата со цел да се добие подлабок "тежок" звук, користење „дупла папуча“ на тапани и вокали кои се изведуваат преку викање и дерење наместо стандардно пеење. Многу подоцнежни бендови ги споменуваат Слеер како едни од највлијателните треш метал музичари, како по нивната музика, така и по нивните сценски настапи и изглед.
Бендот добил 5 номинации за Греми награди во категорија "Најдобра Хеви Метал Изведба", освојувајќи ја наградата 2 пати, првиот пат во 2007 година за песната "Eyes of the Insane" и вториот пат во 2008 година за песната "Final Six", двете песни од албумот Christ Illusion (издаден 2006 година).
Во февруари 2013, Дејв Ломбардо бил отпуштен од бендот по трет и последен пат поради аргумент околу неговото плаќање. На негово место се вратил тапанарот Пол Бостаф кој и претходно бил во бендот. На 2 мај 2013 почина гитаристот и основачот на бендот Џеф Ханеман од цироза на црниот дроб на 49 годишна возраст. Бил заменет со Гери Холт - гитаристот на треш метал бендот Ексодус.
Во јануари 2018, бендот објави дека ќе одржат уште една последна светска турнеја, која траеше од мај 2018 до ноември 2019, после што бендот се распадна.
Дискографија
Студиски Албуми: Бр.НасловДатум на изданиеИздавачка куќа1Show No Mercy3 декември 1983Метал Блејд2Hell Awaitsмарт 1985Метал Блејд3Reign In Blood7 октомври 1986Деф Џем4South of Heaven5 јули 1988Деф Џем5Seasons in the Abyss9 октомври 1990Американ6Divine Intervention27 септември 1994Американ7Undisputed Attitude28 мај 1996Американ8Diabolus in Musica9 јуни 1998Американ9God Hates Us All11 септември 2001Американ10Christ Illusion8 август 2006Американ11World Painted Blood3 ноември 2009Американ12Repentless11 септември 2015Нуклеар Бласт
Aлбуми во Живо: Бр.НасловДатум на изданиеИздвачка куќа1Live Undead16 ноември 1984Метал Блејд2Decade of Aggression22 октомври 1991Американ3The Big Four: Live from Sofia, Bulgaria (with Metallica, Megadeth & Anthrax)15 октомври 2010Универзал4The Repentless Killogy (Live at the Forum in Inglewood, CA)8 ноември 2019Нуклеар Бласт
Мини Албуми: Бр.НасловДатум на изданиеИздавачка куќа1Haunting The Chapelјуни 1984Метал Блејд2Serenity In Murder25 мај 1995Американ3Eternal Pyre6 јуни 2006Американ
Белешки А. Слеер никогаш не објавиле точна бројка колку изнесува нивната продажба на примероци низ светот. Споменатата бројка е само проценка.
Наводи
Надворешни врски
YouTube каналот на Slayer Slayer на Encyclopaedia Metallum
* Категорија:Треш метал музички групи Категорија:Спид метал музички групи Категорија:Американски хеви метал музички групи Категорија:Добитници на Греми Категорија:Музички групи основани во 1981 година