Нафи Сулејман (с. Трново, Битолско, 1918 - ?) бил комунист, учесник во НОВ и воен командант.„Македонска енциклопедија“, МАНУ, Скопје, 2009, 1458 стр.
Бил член на СКОЈ од 1941 година и на КПЈ од јуни 1943 година, поради што бил прогонуван и апсен. На 2 август 1944 година учествувал како делегат на Првото заседание на АСНОМ. Бил командант на чета и на баталјон. На 10 август 1944 година влегува во составот на новоформираниот Трет тетовски партизански одред,Нешо Маркоски „Беличица во пламен“, „Полог“, Тетово, 1975, 13 стр. а набрзо станува командант на Четвртата македонска албанска бригада (од нејзиното формирање на 26 август 1944 до март 1945), а потоа бил заменик командант на оваа бригада. Во ноември-декември 1944 бил одликуван со Орден партизанска ѕвезда од III ред. По Ослободувањето бил пратеник и се наоѓал на други одговорни општествени должности.
Наводи
Категорија:Луѓе од Трново (Битолско) Категорија:Македонски Албанци Категорија:Учесници во НОБ Категорија:Делегати на Првото заседание на АСНОМ