Кушница или Кушиница (, Пангео, по старо: Κουσίνιτζα, Кусиниѕа) — планина во источниот дел на Егејска Македонија, од веднаш над помалиот град Правишта и на околу 12 км на исток од Кавала. Во антиката, планината се нарекувала Пангеј, од каде во поново време е преземено и денешното грчко име. На турски се Кушница се нарекувала Прнар Даг.
Географија мини|десно|300п|Планините Кушница и Лути Рид меѓу Кавалскиот Залив на исток, Драмското Поле на север, Серското Поле на северозапад, Богданска Планина на запад и Струмскиот Залив на југозапад. мини|десно|300п|Поглед на Кушница мини|десно|300п|Врвот Пилаф Тепе (1.835 м) Планината е сместена во источниот дел на Егејска Македонија и има издолжен облик во правец североисток-југозапад. По неа минува границата на општините Кушница (Пангео) во областа Источна Македонија и Тракија од југ и општината Ениќој (Амфиполи) во областа Централна Македонија од север. Највисок врв е Козница, (грч. Дионисос или Мати), висок 1.956 м, по кој следи Пилаф Тепе (1.870 м). Планината е долга од 10 до 15 и широка од 5 до 10 км. Составена е од мермер, кристалести шкрилци, песочник, чакал и многу малку гранит.Георгиев, Георги К. "Железодобивната индустрия в Мървашко (планината Алиботуш и съседните и планини)", София, 1953, стр.15
На север реката Драматица (Ангитис) ја дели Кушница од планината Сминица (Меникио) и Серското Поле, а од југ реката Лаџа (Мармара или Ксиропотамос) ја дели од планината Лути Рид (Символо), која се наоѓа на беломорскиот брег.
Населени места и знаменитости На северното подножје на планината се сместени населените места Провишта (Палеокоми), Радулево (Родоливос), Кормишта (Кормиста), Никишјан (Никсиани), а на северното пак, Правишта (Елевтеруполи), Муштени (Мустени) и Подгорјани (Подохори).
На Кушиница има два големи манастира. На северните падини се наоѓа Кушничкиот манастир „Св. Богородица Косиница“, чиј иконостас е изработен од дебарската тајфа на чело со Петре Филиповски. На источните падини кај остатоците на стариот дел на селото Дреново е сместен манастирот „Богородица Кушничка“.
Кушница во историјата Во антиката Пангеј го споменува уште ХеродотInquiries by Herodotus Book како планина со златни и сребрени рудници на тракиските племиња Сатри, Пиери и Одоманти, како и во Есхиловото дело „Персијци“Эсхил. „Персы“. 494. и Еврипидовото дело „Рез“, каде се вели дека тракискиот цар Рез е владетел на „златниот Пангеј“ со безброј рудници.Еврипид. „Рес“. 254-387. Поради ова, Пангеј претставувал клучна стопанска област во древна Тракија и мошне посакуван од Тракијците, Македонците и Грците.„Кратка енциклопедия Тракийска древност“, „Аргес“, София, 1993 Французинот Пјер Белон го споменува постоењето на железни рудници на Кушница во 1553 г.Георгиев, Георги К. "Железодобивната индустрия в Мървашко (планината Алиботуш и съседните и планини)". София, 1953, стр. 21-22.
Поврзано Кушница (општина) Лути Рид Богданска Планина Серско Поле Драмско Поле Кавалски Залив
Наводи
Надворешни врски
Галерија со снимки од Кушница Погледи на Кушница Портал за Кушница
Категорија:Рилско-родопски Масив Категорија:Планини во Егејска Македонија Категорија:Планини во Грција Категорија:Ениќој (општина) Категорија:Кушница