Вилис Јуџин Лем Џуниор ( — ) — американски физичар кој на освоил Нобеловата награда за физика во 1955 заедно со Поликарп Куш „за нивните откритија во врска со фината структура на водородниот спектар“. Лем и Куш успеале прецизно да определат одредени електромагнетни својства на електронот (види Лемова промена). Лем бил професор на колеџот за оптички науки во Аризонскиот универзитет.
Животопис Лем е роден во Лос Анџелес, Калифорнија, САД и го посетувал Средното училиште на Лос Анџелес. Уште одма примен во 1930, станал дипломиран научник по хемија во Калифорнискиот универзитет во 1934. За теоретската работа околу расејување на неутроните од кристал, помаган од Ј. Роберт Опенхајмер, се здобил со признанието „доктор по филозофија“ за физика во 1938. Поради ограничени методи на пресметување во тоа време, со ова истражување не успеал да го открие Месбауеровиот ефект, 19 години подоцна бил откриен од страна на Месбауер. Исто така работел и на јадрената теорија, ласерска физика и потврдување на теоријата за квантната механика.
Лем бил професор по физика во Оксфордскиот универзитет од 1956 до 1962, и исто така предавал во Јеилскиот универзитет, Колумбискиот универзитет, Стенфордскиот универзитет и Аризонскиот универзитет. Бил избран за соработник со Американската академија за уметност и наука во 1963.
Лем се памети како „надарен експерименталист и теоретичар, на најдобрата Њутнова традиција“F. J. Duarte, Laser Physicist (Optics Journal, New York, 2012). и се смета за „редок теоретичар што станал експерименталист“D. Kaiser, Drawing Theories Apart: The Dispersion of Feynman Diagrams (University of Chicago, Chicago, 2005). Во подоцнежниот дел од неговата кариера посветил големо внимание на полето на квантното мерење.
Личен живот Лем се оженил со Урсула Шефер, германски студент, во 1939. По нејзината смрт се оженил со физичарката Бруриjа Кауфман во 1996, а подоцна се развеле. Во 2008 се оженил со Елси Вотсон. Лем починал на 15 мај 2008 на 94 годишна возраст.
Наводи
Надворешни врски
Biography and Bibliographic Resources, од Office of Scientific and Technical Information Obituary, University of Arizona, 16 May, 2008. Hans Bethe talking about Willis Lamb (видео) Willis E Lamb Award за ласерска наука и квантна оптика. Nobel lecture Collection of articles and group photograph (Оваа фотографија била направена во Lasers '92 вклучува, од десно кон лево, Марлан Скали, В. Е. Лем, Џон Л. Хол, и Ф. Ј. Дуарте). Obituary:Willis E. Lamb Jr., 94; Nobel Prize-Winning Physicist National Academy of Sciences Biographical Memoir
Категорија:Американски нобеловци Категорија:Американски физичари Категорија:Квантни физичари Категорија:Оптички физичари Категорија:Експериментални физичари Категорија:Носители на Националниот научен медал Категорија:Добитници на Нобеловата награда за физика Категорија:Членови на Американската академија на уметностите и науките Категорија:Членови на Националната академија на науките на САД Категорија:Спектроскопичари Категорија:Луѓе од Лос Анџелес Категорија:Апсолвенти на Калифорнискиот универзитет (Беркли)