Постојнска Јама () — карстен пештерски систем кај Постојна, Словенија, долг 20,5 км. Претставува втор најголем ваков систем во Словенија (по Миговец) и една од најголемите посетителски места во земјата. Јамата е создадена од реката Пивка.
Историја Пештерата прв ја опишал природонаучникот Јанез Вајкард Валвазор — основоположник на изучувањето на карстните појави.Johann Weichard Valvasor, Die Ehre dess Hertzogthums Crain: das ist, Wahre, gründliche, und recht eigendliche Belegen- und Beschaffenheit dieses Römisch-Keyserlichen herrlichen Erblandes, Laybach 1689; преп. Љубљљана 1984 Во 1818 г. мештанинот Лука Чеч открил нов дел од системот, кога се вршени подготовките за посетата на светиот римски цар Франц I на пештерата.
Прв водич и електрично осветлување Во 1819 г. Постојнската Јама е отворена за посети од јавноста и Чеч станал нејзиниот прв туристички водич. Во 1884 г. во пештерата е поставено електрично осветлување во земјата, дури и пред Љубљана.
Посетителска железница Во 1872 г. во пештерата е поставена посетителска железница за разгледување на внатрешноста. Најпрвин вовчето го туркале самите водичи, но на почетокот на XX век туркањето го заменила гасна локомотива.
Воено складиште За време на Втората светска војна, германската војска ја пренаменила пештерата во складиште, каде се чувале 1.000 буриња авионско гориво. Залихите се уништени во април 1944 г. од словенечките партизани во оган кој беснеел цели седум дена, уништувајќи голем дел од пештерата и зацрнувајќи го влезот.Clark, Sydney. 1955. All the Best in Europe. New York: Dodd, Mead and Company, стр. 472.Šerko, Alfred, & Ivan Mishler. 1967. The Postojna Grottoes and the Other Marvels of the Karst. Postojna: Tiskarna Toneta Tomšiča, стр. 21.Merrill, Christopher. 1999. Only the Nails Remain: Scenes from the Balkan Wars. Lanham, MD: Rowman and Littlefield, стр. 91.
По војната По 1945 г. гасната локомотива е заменета со електрична. За јавноста се отворени 5,3 км од пештерата, што претставува најдолгата јавно достапна пештерска атракција во светот. На крајот на 1990-тите била една од најпосетуваните изложбени пештери во светот, со речиси 1 милион туристи годишно.
Туризмот во 21 век
Во јуни 2015 година, управата на пештерата известила дека пештерските нуркачи успеале да истражат дополнителен подводен дел од пештерата што води кон пештерата Планина, со што го продолжил системот на пештерата од 20.570 м (67.490 стапки) на 24.120 м (79.130 стапки).Во пештерата се наоѓала и единствената подземна пошта во светот.
Човечка рипка Постојнската Јама е позната како дом на ендемската човечка рипка (Proteus anguinus) — најголемиот пештерски водоземец во светот.
Галерија
Поврзано Постојна Човечка рипка Јосиф Николај Лауренти Нотрањска
Наводи
Надворешни врски
Категорија:Пештери во Словенија Категорија:Знаменитости во Словенија Категорија:Постојна