Митра е ангелско божество од зороастризмот (јазата). Го сметале за божество на договорите, но исто така бил и судија, заштитник на „вистината“ (аша), заштитник на стоката, жетвата и на водите.
Римјаните својата таинствена религија митраизам ја засновале врз персиски и извори кои доаѓале од зорастризмот, а се однесувале на Митра.
Потекло на поимот Именката митра исто како и ведската именка „митра“доаѓаат од праиндоиранската именка митра, од основата ми-, со значење „да се поврзе“, и наставката -тра-, „предизвикување“. Според тоа, значењето на митра е „она што предизвикува поврзување“.
Во текстовите Како и повеќето божества, Митра не е споменат по име во најстарите текстови на зороастризмот, Гати, кои делумно се посветени лично на Заратустра, ниту во Јасна. Како дел од тријадата божества, Митра е почитувана фигура. Заедно со Рашну (правда) и Сраоша (послушност), Митра е еден од тројцата судии на Мостот Чинват, „мостот на судот“, кој сите души треба да го минат.
Химната посветена на Митра (Јашт 10) е најдолгата од сите зачувани текстови Јашт. Во текстовите Авеста, опишан е како „Митра од широките пасишта, кој има илјада уши и миријада очи“, (Јасна 1:3), „благороден и вечен владетел на провинцијата“, (Јасна 1:11), „Јазад (божество) на кажаното име“,(Јасна 3:5), и „светиот“, (Јасна 3:13).
Поврзано Митраизам
Библиографија
. . Dumezil, Georges (2008), Mitra-Varuna: An Essay on Two Indo-European Representations of Sovereignty. New York: Zone Books.
Наводи
Категорија:Зороастризам Категорија:Митраизам
ca:Mitra (mitologia) de:Mithra el:Μίθρας et:Mithra fr:Mitra id:Mithra lt:Mitra (dievas) no:Mithra ro:Mithra ru:Митра (бог) tr:Mithra