Лудвиг Јозеф Јохан Витгенштајн (; 26 април 1889 – 29 април 1951) е австриско-британски филозоф, познат по својот интелектуален придонес во: логиката, филозофија на математиката, филозофија на духот и филозофија на јазикот.

Животопис Роден во едно од најбогатите европски семејства во Виена, во 1913 година, Витгенштајн наследува огромно богатство од татко му. Значителен дел од богатството го распределува на посиромашни уметници. Страдајќи од длабока депресија по завршувањето на Првата светска војна, го разделува остатокот од своето богатство на своите браќа и сестри.Кога татко му умира во 1913, Лудвид наследува огромно богатство... Тогаш, во Првата светска војна, каде се бори како волонтер во Австроунгарската армија, го раздава целото богатство на браќата и сестрите, прогонет од депресија, бара засолниште во Долна Австрија, како учител во основно училиште. [Goethe Institute http://www.goethe.de/ges/phi/prt/en2341144.htm ]Duffy, Bruce. „The do-it-yourself life of Ludwig Wittgenstein“, The New York Times, 13 November 1988, стр. 4/10. За распродажбата на мебелот, види во „Ludwig Wittgenstein: Tractatus and Teaching“ , Cambridge Wittgenstein archive. Retrieved 4 September 2010. Тројца негови браќа извршуваат самоубиство, а на тоа повремено помислувал и самиот Витгенштајн.За самоубиствата на браќата, видете Waugh, Alexander. „The Wittgensteins: Viennese whirl“, The Daily Telegraph, 30 August 2008. Поврзано: Gottlieb, Anthony. „A Nervous Splendor“, The New Yorker, 9 April 2009. Го напушта школувањето неколкупати за да отслужи воен рок, борејќи се на фронтовите за време на Првата светска војна, каде бил повеќекратно награден за својата храброст; предава во неколку училишта во некои помали австриски села, од каде потекнува гласината дека ги тепал децата доколку правеле математички грешки; и работел како болничар за време на Втората светска војна во Лондон каде наводно ги советувал пациентите да не ги пијат лекарствата кои им биле препишани, а истовремено затајувал дека е светски познат филозоф.Monk, R., Ludwig Wittgenstein: The Duty of Genius. Free Press, 1990, pp. 232–233, 431. За наградните обреди, видете Waugh, A., The House of Wittgenstein: a Family at War. Random House of Canada, 2008, p. 114. Тој ја опишува филозофијата како „единственото нешто што ми дава вистинско задоволство.“Malcolm, (Additional note) p. 84.

Од 1929 до 1947 година предава на Универзитетот во Кембриџ,Dennett, Daniel. "Ludwig Wittgenstein: Philosopher" , Time magazine, 29 March 1999. каде од 1937 година бил професор на катедрата по филозофија.Ludvig Vitgenštajn, Logičko filozofska rasprava – Tractatus logico-philosophicus. Miba books, Beograd, 2024, стр. 5.

Творештво За време на животот, Витгенштајн објавил само една мала книга од 75 страници, со наслов „Логичко-филозофски трактат“ (1921), една статија, една книжевна критика и детски речник.За публикациите за време на неговиот живот, видете Monk, R., How to read Wittgenstein. W.W. Norton & Company. 2005, стр. 5. За бројот на зборови објавени во неговиот живот, видете Stern, David. „The Bergen Electronic Edition of Wittgenstein's Nachlass“, The European Journal of Philosophy. Vol 18, issue 3, September 2010. Неговите поголеми ракописи се уредени и објавени посмртно. „Филозофски истражувања“ е објавена како книга во 1953 година и веднаш била препознаена за една од најважните филозофски дела во XX век.Анкета спроведена во 1999 година помеѓу 400 американски универзитети и универзитетски професори по филозофија ја ставиле оваа книга на првото место; видете Lackey, Douglas „What Are the Modern Classics? The Baruch Poll of Great Philosophy in the Twentieth Century“, Philosophical Forum. 30 (4), December 1999, pp. 329–346. За краток преглед на анкетата, погледнете овде . Retrieved 3 September 2010. Неговиот учител Бертранд Расел го опишува Витгенштајн како „најсоврешениот пример за гениј, во традиционална смисла на зборот, кој досега сум го запознал; страствен, длабок, жив и доминантен.“За цитатот на Расел, видете McGuinness, Brian. Wittgenstein: A Life : Young Ludwig 1889–1921. University of California Press, 1988, стр. 118.

Неговата филозофија честопати се дели на ран период, кој се одликува со Трактатот и доцен период, артикулиран во Филозофските истражувања. Раниот Витгенштајн се занимава со логичката врска помеѓу јазичните искази и светот, уверен дека ако ја пронајде и обработи врската помеѓу тие две нешта, би ги решил сите филозофски проблеми. Доцниот Витгенштајн поништува голем дел од кажаното во Трактатот, тврдејќи дека всушност значењето на зборовите произлегува од нивната употреба во конкретно дадена јазична игра.

Влијанието на Витгенштајн е присутно во речиси секое поле на хуманистичките и општествените науки, иако постојат разновидни толкувања на неговата мисла. Со зборовите на неговиот пријател и колега Георг Хенрик вон Рајт: Тој мислеше дека... неговите идеи се неразбрани и извитоперени дури и од оние негови само-прогласени следбеници. Се сомневаше дека ќе биде подобро сфатен во иднина. Еднаш рече дека се чувствува како да пишува за луѓе кои ќе мислат на различен начин и ќе дишат различен животен воздух од денешните луѓе.Malcolm, p. 6.

Наводи

Надворешни врски

Би-Би-Си Радио 4 емисија за Витгенштајн (слушнете ја он-лајн)

Категорија:Лудвиг Витгенштајн Категорија:Австриски филозофи Категорија:Британски филозофи Категорија:Филозофи на јазикот Категорија:Филозофи на духот Категорија:Логичари Категорија:Луѓе од Виена Категорија:Апсолвенти на Техничкиот универзитет во Берлин Категорија:Австриски Евреи Категорија:Британски Евреи Категорија:Апсолвенти на Кембричкиот универзитет Категорија:Родени во 1889 година Категорија:Починати во 1951 година