Со Љубов, Винсент (англиски: Loving Vincent) — анимиран биографски драма филм од 2017 година за последните денови од животот на сликарот Винсент ван Гог. Ова е прв долгометражен анимиран филм во кој сите фрејмови, вкупно 65,000, се рачно насликани со масло на платно, истата техника која ја користел и самиот Ван Гог. Филмот, во режија на Дорота Кобела и Хју Велхман е во полска продукција, финансиран од полскиот филмски институт и делумно преку кампања на Kickstarter.
На анимацијата на филмот работеле 125 сликари од целиот свет. Филмот премиерно бил прикажан на 12 јуни 2017 година на Меѓународниот фестивал на анимиран филм во Анси. Филмот бил прогласен за најдобар анимиран филм на 30. доделување на европските филмски награди и добил номинација за Оскар за најдобар анимиран филм на 90. доделување на Оскарите.
Улоги Гласовите ги позајмиле следните глумци:Waring, Olivia (2016) This animated Van Gogh movie rendered entirely in paint looks unbelievably stunning; Metro 87.1M, 23 March 2016. Retrieved 4 August 2016.‘Loving Vincent’ Starring Vincent van Gogh; Fashion Industry Broadcast FIB, 4 April 2016. Retrieved 4 August 2016.Loving Vincent (2016) Full Cast & Crew; IMDb. Retrieved 4 August 2016. Роберт Гулазик како Винсент ван Гог Даглас Бут како Арманд Рулин Џером Флин како Пол Гаше Сирша Ронан како Маргарита Гаше Хелен Мекрори како Луис Шевалије Крис О'Дауд како Јоџеф Рулин Џон Сешнс како Пер Танги Елеонор Томлинсон како Аделин Раво Ејдан Тарнер како бродарот
Прием Заработка До 28 јануари 2018 година, филмот остварил заработка од 30.2 милиони долари во светски рамки, од кои 6.5 милиони долари во домашните кина. Во надворешни рамки, филмот остварил заработка од 2.9 милиони долари во Јужна Кореја, 1.5 милион долари во Италија и 10.8 милиони долари во Кина.
Критики На агрегаторот за рецензии Rotten Tomatoes, филмот има рејтинг од 83% врз основа на 125 рецензии, со просечен рејтинг од 7.1/10. Критичкиот консензус на мрежното место гласи: „Импресивните визуелни достигнувања на Со љубов, Винсент го прават овој биографски филм за Ван Гог да вреди – дури и ако неговата нарација е многу помалку ефикасно составена.“ На Metacritic филмот има резултат 62 од 100 врз основа на 21 критика, означувајќи „генерално поволни рецензии“.
Наводи
Надворешни врски
Категорија:Полски анимирани филмови Категорија:Британски анимирани филмови Категорија:Биографски филмови